Read Hatam YESAYA 12 Bible Online

YESAYA 12 - Hatam bible

YESAYA 12

¹Njap ngon bou midem leu api mijipai doia dini. TUHAN e, dipai sigyo biNa lewo agwam ser dingon. Nipou yo ne agga da noro tini bu ne Ade niggati cut tu.

² Ningat ne Allah ne No di teu da di dingwes ngun rin ba, diba dingon com Noni. Digittin bi lewo Noni sindem tut da. No di teu da di dingwes ngun rino Allah ba. Midipai doia bak.

³Mijipai doia bijiyai nillei noyam kin minyei hou di bibon yo di inggobiau ingon nggei-hi-nggei lewo Allah teu je bijingwes ngun.

⁴Njap ngon bou midem leu api mijipai “Ma jipai sigyo bak TUHAN bijikuk je bak. Ma jitri tut ninyeng jeisi kin nibon munti nya hagom bak ngkiai nya.

⁵Ma jipai doia bak lewo Noni bon mindur nya mang bibor. Ma jisindui sut ba, tungwatu dihyeisi dini hagom imiap tut Nide nibon munti nya.

⁶Timiei Sion jen e, ma jimbos-hi-mbos ba, jiba jingon di nggei-hi-nggei bipai doia. Ningat ne Allah Israel di kwes ninyeng jei ba, Noni ningat rin ei jikieti.”