Read Hatam YESAYA 64 Bible Online

YESAYA 64 - Hatam bible

YESAYA 64

¹TUHAN e, ma abindei ba, mpia-bbed him rik hacan leu binhyepo akinyon kwei ei dihyeisi dini. Abindei ba, nungug nya ugwa-kwei ei Aho bei,

²dem kep nok hum di cig-cai biyem biei bibindei ba, minyei kiak ei yengti. Akwei ndo Ade nisindemti bak Ade siceu nya bibou inghuisi mpig sut Na ei Aho bei ug e.

³Tirigi po ajuk kwei pima lene abon mindur di buhun bibor di nyeni nikan tut nipou ei bi. Leu api nungug nya ugwa-kwei ei Aho bei.

⁴ Ter leu Nani lene tungwatu nya ingat kwar di yai nibou tut yo di iba ingon com noni noyam kin Nani bou igyai him ba, imiap ninghapti cem bi sren.

⁵Aya um yo di ingon sren kin yo di igyaijo bit leu angon kanti nya. Mbro nok gino angon sibui sut nye lo, nibon kep sisar ba, niyai mun tunggwei habiei kwei bipek ammani kep.

⁶Nahagom nirom ndok ba, nyende niyai munti di kei nya noyam kin minyahas di map kui ba, mpiei bibor. Nyende sisar mibindei ba, nisar biningwig noyam kin mahai-meng di mui bibit hou.

⁷Hi ngat nadi bak Nani bahara Na mem gima ampu yok bi. Aku aimaisi ter leu nye lene asindui sut ba, nyende sisar bindei sar nye binitimek biningwig.

⁸Noro TUHAN e, Nani ne nyeni nicig ri. Ninok igtuyap di aop bou anda him ba, apai tes nye.

⁹Gima rino ma angon sibui sut nye nindig bibor ba, ayok ngon kep nyende sisar kikau au. Noro ma ayok ngon kep bipia nyeni ne Ade limwa nya ri.

¹⁰Ade minu ndig di kwes-kwau nya hagom kinei su binok ig kum kroisi tu ba, minu ndig Yerusalem lus bitimek tu.

¹¹Hum yem TUHAN De Ig di kwes-kwau po nyeni nidigup bat-nidigai bat nya ipiga ei mem Na bibikon anyenga eisi pima bitimek bingwig. Ig nindigsi nya di nyeni ningat ningwes eisi nya hagom sar bingwig.

¹²TUHAN e, angat mun dima yok hagom bou ayai him apino anghek nye e? Asindui sut ba, niyai niwei kin nidut nindig bibor bu e?