Read Hatam NIBWOS-BWOS NYENTI 5 Bible Online

NIBWOS-BWOS NYENTI 5 - Hatam bible

NIBWOS-BWOS NYENTI 5

¹TUHAN e, ma ayok ngon kep mun di cut igkep nye o! Ma atou kep nye ba, angat niwer mindheti o!

²Nyende ndigban ninda rom cut ug ei yo di hiter indati ba, ngkiai nya ibong ser nyende ig nya cem o!

³Siceu igyai nimai bak nyeni nicig bat nya ba, tini bu lene nyeni nipmem bat nya iwer kibom yok lene nyeni cem niwer moibihi nya tu o!

⁴Suar niba mitiei bipek minyei di nidut kin biei di nindig kep hum cem o!

⁵Siceu nya ibidip huk nye mem gima niyai midyai di buhun noyam kin mindhe-ndhe nya ba, ninghuisi wei lo, igiyai nituti binye mem nigwam kep ninghuisi bi o!

⁶Nuug hara ninggum ba, nibicuon niyaisi ei minu Mesir ninyen lene nuug hara njita ei minu Asyur o!

⁷Nidigup bat-nidigai bat nya ibon sisar bimai leu nye nipou su noro tini bu ne suar nyeni nitug ndei ninghuisi wei drek dip ide sisar di ibon nya o!

⁸Yo di igyai munti nya kei dor njiriek awak nya bi inyeng tak kep nye lo, tungwa hi di sindem mem gima kwek nye leu inda nsi bi o!

⁹Nihwen kep mun cig nya igyem mpia ei minu di gahai dini kou. Gino nehei bininggok njita lene nahanok igyai nimai binye o!

¹⁰Niyai niwei tug hon ninggum apino ningkek dut bidem kep nok komfor di indig hum eisi o!

¹¹Siceu nya ikat sop nya binggek yok ei Mbigdip Sion ba, inggek sop gwam nitta pilei nya bidem minu mien ngot ei minu Yehuda hagom bibindei ba, inyeng kinei o!

¹²Ikat kep nyende nibou nya ikimam ba, ipindur yok lene ikon ndigpoi nya inyeng bu bi o!

¹³Siceu nya icuk pinai pilei nya biba tig giling boho gandum ngat ba, icuk munggwom pinai nya yug rop biei di buhun cem apino imbris drek dip o!

¹⁴Ndigpoi ndig nya idem yam ei dimbou pmem nuhui ei minu ndig ba, doia nibimbi tibim kwei leu pilei nya yuhui cem bu bi o!

¹⁵Nibong kei nigwam keisi kin niba ningon di nggei-hi-nggei bibien-bien nyenti pror leu nye tu ba, ningon nggukti luei bu tu o!

¹⁶Mun di bindei ninggap leusi jo bu bi ba, mun di buhun cut igkep nye lewo nibon sisar tu o!

¹⁷Ningon kinei-kinau bibor lene nipim kikau ba, niyai mmui drek dip,

¹⁸lewo Mbigdip Sion ne mpia di mbum-bra rin ba, ninduk yam ei bu bi. Noro nsien bigbehei nya ilus-lus nyen eisi o!

¹⁹Noro TUHAN e, Nani ne nibou ndig bijo kikau rin ba, anyeng mitak kep limwa nya bijo ninno bijo kikau.

²⁰Nggon rima akes nye ei ninno nok i? Mpaba abbwe ser nye bihigom tu e?

²¹TUHAN e, ma asindui sut nye ba, nihwou hanyen ndam Na. Miningkwei hanyen ndam Na! Ma ayai nibong kei ningwam keisi binye hanyen nok gi nipou a.

²²He, ma acom nye bihigom tu e? Ade nigga nyeti bon nohonti bi sren e?