Read Hatam YEHEZKIEL 48 Bible Online

YEHEZKIEL 48 - Hatam bible

YEHEZKIEL 48

¹Gini ne keret dima yok inyeng ri. Keret Dan de hanjop nsi jo ei nite bei mpia nijjai bimbut leu Muk Hacan ei nite bei mpia nicutti kikau ug ei Hetlon lene kak puig di bicoi minu ndig Hamat kin Hazar-Enan nya kikau ug ei minu ndig Damsyik kin Hamat nya ide minu niya kwas yamti ikieti ei bei mpia nipriti. Ipek hanjop nsi nindigsi nya sindam bibinut yam ei nite bei mpia nibiho.

²Hanjop dip di pek kin Dan de hanjop nsi ei nite bei mpia nipriti kikau ug bipek kin hanjop dip ei nite bei mpia nicutti ne Asyer de dihyei ninda rom ri.

³Hanjop dip di pek kin Asyer de hanjop nsi ei nite bei mpia nipriti kikau ug bipek kin hanjop dip ei nite bei mpia nicutti ne Naftali de dihyei ninda rom ri.

⁴Hanjop dip di pek kin Naftali de hanjop nsi ei nite bei mpia nipriti kikau ug bipek kin hanjop dip ei nite bei mpia nicutti ne Manasye de dihyei ninda rom ri.

⁵Hanjop dip di pek kin Manasye de hanjop nsi ei nite bei mpia nipriti kikau ug bipek kin hanjop dip ei nite bei mpia nicutti ne Efraim de dihyei ninda rom ri.

⁶Hanjop dip di pek kin Efraim de hanjop nsi ei nite bei mpia nipriti kikau ug bipek kin hanjop dip ei nite bei mpia nicutti ne Ruben de dihyei ninda rom ri.

⁷Hanjop dip di pek kin Ruben de hanjop nsi ei nite bei mpia nipriti kikau ug bipek kin hanjop dip ei nite bei mpia nicutti ne Yehuda de dihyei ninda rom ri.

⁸Suar ikwas hanjop nsi gom bipigig sut hanjop nsi dima pijum ba, nijeisi dem kilometer simnaibrimigcan biniken lene ninghas jo ei hanjop dip ei nite bei mpia nijjai ug bipek kin hanjop dip ei nite bei mpia nibiho. Niya kwas yamti dima ei nite bei mpia nipriti kin nite bei mpia nicutti hacem noyam kin hanjop niya kwas yamti di indo bak keret Israel nya pima. Tuhan De Ig jo ei dihyei ttou nsi dima.

⁹Ma ikes hanjop nsi dima nite hi pijum ei mem TUHAN bijo hacan ngat. Nijeisi dem kilometer simnaibrimigcan biniken lene ninyanti dem kilometer simnai.[44]

¹⁰Ma iwin Tuhan De Ig ei hanjop nsi dima nahacanti. Imam nya mitug ndei dihyei hanjop nsi leu dihyei di kwes kei dima. Ide dihyei hanjop nsi rino kilometer simnaibrimigcan biniken leu ninghas him ei nite bei mpia nipriti kikau ug ei mpia nicutti ba, kilometer muhwi leu ninghas him ei nite bei mpia nijjai kikau ug ei nite bei mpia nibiho.

¹¹Imam di intun Zadok him igyai dihyei hanjop nsi di ikwas pijum dima nok ide dihyei ninda rom lewo yoni rino iba ingon gom bigyai midyai mem TUHAN lene iginoyam kin mben Lewi nindigsi nya di ibon sisar bit limwa mben Israel bi.

¹²Gima rino suar ipek hanjop nsi simin hanjop di keret Lewi nindigsi nya ide dihyei ninda rom pijum ei bak imam nya di intun Zadok him. Hanjop nsi di ikwas pijum dima ne dihyei di kwes-kwau ri.

¹³Yo di intun Lewi him ide hanjop nsi di inda rom dima jo leu nite bei mpia nipriti ug bipek nite bei mpia nicutti ba, nijeisi dem kilometer simnaibrimigcan biniken. Ninyanti jo leu nite bei mpia nijjai ug bipek kin nite bei mpia nibiho ba, ninyanti dem kilometer muhwi. Dihyei dima jo sur imam nya ide dihyei ei nite bei mpia nibiho.

¹⁴Ma itri dihyei dima poi mien ba, iba dihyei hiter biluei dihyei dima cem au. Ma dihyei Israel nittou nsi di kei bibor kei dima pri bicut ei yo di hiter indati au. Lewo ipek dihyei hanjop nsi dima pijum ei mem TUHAN binok Nide dihyei ninda rom tu.

¹⁵Dihyei di ikes pijum ei nite bei mpia nibiho niken di jo yo nijeisi dem kilometer simnaibrimigcan biniken lene ninyanti dem kilometer can biniken. Dihyei dima kwes bi ba, limwa nya ma igyai dihyei dima nok ide dihyei ninda rom bibongti ba, igyai miai nya eisi cem. Ma iwin minu ndig gom ei dihyei dima nahacanti a.

¹⁶Minu ndig dima suar bon nuhuisi bitai. Bikwop nuhuisi nya nindigsi dem kilometer can ba, meter sratus can ba, ningot muhwi.

¹⁷Suar minu ndig dima bon dihyei di bres di ninyanti dem meter sratus gom ningot can ba, muhwi bijo ttai minu ndig dima titut yam.

¹⁸Minu ndig dima bon nide dihyei di bres can ba, hi ei nite bei mpia nipriti lene hi ei nite bei mpia nicutti. Hacem bon nindigsi dem kilometer muhwi ei nite hi lene kilometer can biniken ei nite hi. Isindui sut ba, limwa di ibong minu ndig dima igyai miai ei dihyei cin di bres dima.

¹⁹Bikwop yo di intun mben Israel de keret nya him di ibong ser minu ndig dima yahagom igyai miai ei dihyei di bres dima yokti.

²⁰Gima rino dihyei dima hagom bitut dihyei di ikes pijum ei mem TUHAN kin dihyei di mem minu ndig dima bon nuhuisi bitai di nindigsi dem kilometer simnaibrimigcan ba, meter sratus muhwi.

²¹Dihyei ei nite bei mpia nicutti kin dihyei ei nite bei mpia nipriti di ter leu dihyei di ikwas pijum ei mem Tuhan De Ig kin imam nya kin mben Lewi kin minu ndig dima hagom jo nok nibou ndig de dihyei ninda rom. Hanjop nsi ei nite bei mpia nipriti pima ug ninno bipek kin minu niya kwas yamti ei nite bei mpia nipriti. Lene hanjop nsi ei nite bei mpia nicutti pima ug ninno bipek kin Muk Hacan.

²²Ba, nibou ndig de hanjop nsi rijo ei keret Yehuda ide dihyei ninda rom kin keret Benyamin ide dihyei ninda rom ikieti.

²³Lene ikwas dihyei nikenti di bipek kin dihyei nipigig sut ei nahacanti pima tut keret nindigsi nya bu ba, ikinyon eisi ei bei dihyei di jo nahacanti niya kwas yamti. Hanjop dip di pek kin minu niya kwas yamti dima ei nite bei mpia nipriti kikau ug bipek kin hanjop dip ei nite bei mpia nicutti ne Benyamin de dihyei ninda rom ri.

²⁴Hanjop dip di pek kin hanjop nsi Benyamin de ei nite bei mpia nipriti kikau ug bipek kin hanjop dip ei nite bei mpia nicutti ne Simeon de dihyei ninda rom ri.

²⁵Hanjop dip di pek kin hanjop nsi Simeon de ei nite bei mpia nipriti kikau ug bipek kin hanjop dip ei nite bei mpia nicutti ne Isakhar de dihyei ninda rom ri.

²⁶Hanjop dip di pek kin hanjop nsi Isakhar de ei nite bei mpia nipriti kikau ug bipek kin hanjop dip ei nite bei mpia nicutti ne Zebulon de dihyei ninda rom ri.

²⁷Hanjop dip di pek kin hanjop nsi Zebulon de ei nite bei mpia nipriti kikau ug bipek kin hanjop dip ei nite bei mpia nicutti ne Gad de dihyei ninda rom ri.

²⁸Gad de dihyei ninda rom nite bei mpia nibiho lene minu Israel de minu niya kwas yamti ei nite bei mpia nibiho ri. Ba, niya kwas yamti dima jo leu Tamar ba, hallu ndam bei mpia nicutti kin nibiho ikieti kikau ug ei minyei bousi Kades-Meriba leu api mbut hallu ndam bei mpia nicutti kin mpia nijjai ikieti ba, sir minu niya kwas yamti ei Mesir kikau ug bipek kin Muk Hacan.

²⁹TUHAN Di Ninyeng Jei Bibor pai “Ma ikwas dihyei dima sindam tut keret Israel nya binok ide dihyei ninda rom.”

³⁰ Dimbou pmem di imbut kak bicoi ug ei minu ndig Yerusalem nimangti simnaibrimigcan. Nuhuisi ei nite bei mpia nijjai nijeisi dem kilometer can ba, meter sratus can ningot muhwi,

³¹lene bon Dimbou Pmem Ruben kin Dimbou Pmem Yehuda kin Dimbou Pmem Lewi. Iba keret mben Israel inyeng bijem dimbou pmem nya.

³²Minu ndig dima nide ngug tig ei nite bei mpia nipriti nijeisi dem kilometer can ba, meter sratus can ningot muhwi lene bon Dimbou Pmem Yusuf kin Dimbou Pmem Benyamin kin Dimbou Pmem Dan.

³³Minu ndig dima nide ngug tig ei nite bei mpia nibiho nijeisi dem kilometer can ba, meter sratus can ningot muhwi lene bon nide Dimbou Pmem Simeon kin Dimbou Pmem Isakhar kin Dimbou Pmem Zebulon.

³⁴Minu ndig dima nide ngug tig ei nite bei mpia nicutti nijeisi dem kilometer can ba, meter sratus can ningot muhwi lene bon nide Dimbou Pmem Gad kin Dimbou Pmem Asyer kin Dimbou Pmem Naftali.

³⁵Ngug tig dima titut yam nijeisi dem kilometer muhwindatai. Hon ammani bikui ne tungwatu nya mijem minu ndig dima ninyeng “TUHAN NINGAT RIN EI SIRIMA!”