Read Hatam HOSEA 1 Bible Online

HOSEA 1 - Hatam bible

HOSEA 1

¹ Srat dini tut nihyet di TUHAN sok ei Hosea di nicig ninyeng Beeri dip ei mpe di Nibou Ndig Uzia kin Yotam kin Ahas kin Hizkia inyeng tak kep minu Yehuda bram yam ba, Nibou Ndig Yerobeam di Yoahas nipmot ninyeng tak kep Israel cem.

²Mpe dino TUHAN sok nihyet ei Hosea dip bak mben Israel ei nimbie him ne Noni pai “Ma aug ba, adimig sop di nikrar jut ba, awak noni nok atnem leu api amunggwom bat nya migyai bram ipmem niyai kepti nya. Lewo Ditde limwa nya ikes Da ei ba, inoyam kin sop dima drek dip ingon gom tut Da bisi ba, ikes Da ei su.”

³Gima rino duug wak sop gom di ninyeng Gomer di Diblaim nipmisop. Tirigi noni srek tut nipmot munggwom mighumbou bida,

⁴ lene TUHAN pai bida “Ma ajem ninyeng Yizreel lewo jei bi ne midikes hukum ei nibou ndig Israel dip drek dip nidigup Yehu de mun di yai tunggwei tirigi noni hwen tungwatu nya ei minu ndig Yizreel. Dikos dat bipia midibindei ba, yo di intun Yehu him yahagom imai bingwig.

⁵Mpe dima lene midinjei bidihwen tentara Israel yahagom ba, imai bingwig ei Mbang Briep Yizreel.”

⁶Jei bi lene Gomer srek tut nipmisop ba, nok nimunggwom gom kin bu. Leu api TUHAN pai bida “Ma ajem ninyeng ‘No Di Hi Ngondut Bi’ lewo dingondut mben Israel bidikos ser ide sisar bu bi.

⁷Noro dingondut mben Yehuda kikau. Da di TUHAN dinok ide Allah. Tirigi ikon pran bit ide siceu nya lene miditeu yok bingwes ngun leu yok lo, tug hon simeda kin tibor kin kuda pran kin tentara di ibri kuda nya bi.”

⁸Tirigi nipmisop kes do bidut bu bi lene ditnem nghop hanyen bisrek tut nipmot gom kin bu.

⁹TUHAN pai bida “Ma ajem ninyeng ‘Ditde Limwa Bi’ lewo dihig mben Israel nok Ditde limwa nya bi lene dinok ide Allah bu bi.”

¹⁰ Mben Israel midigek kep mpia ba, imangti noyam kin iggum ei muk nipimat nimangti apino bit bon tungwatu nya ikwop imangti ba, inai ide minu nijeisi cem kan bi. Nogindini Allah hig yok “Jinok Ditde limwa nya bi.” Noro jei bi ne Noni hig yok “Dani ne Allah Di Niyaijo rin ba, jinok dimunggwom bat nya!”

¹¹Mben Yehuda kin Israel nya minok gom hanyen bu leu api yoni icom ighyet tut nibou ndig gom ngat di ninyeng tak kep yok. Leu api idigek kep mpia bibong kei igwam kei. Igbit ri! Njap Yizreel minok njap nindig!