Read Hatam YUNUS 3 Bible Online

YUNUS 3 - Hatam bible

YUNUS 3

¹TUHAN cuk Yunus mbigom kin bu,

²bipai binoni “Akiju ba, aug ei minu ndig Niniwe lene ma aba acot pai bak timiei nya tut mun di dicuk na tut nya hagom.”

³Leu api Yunus bit TUHAN nicuk noti buug ei minu ndig Niniwe bingat lo, nindig krop. Gino tungwagom mbut nimig ei minu ndig dima lene nimbutti dima yem njap nitindur ningai.

⁴ Yunus coi ug ei minu ndig dima bimbut nimig mem njap nitindur gom lene ya niyati bitri tut nihyet biyok bipai “Njap ningot bitai bu ne TUHAN mibindei timek jide minu dini bingwig ug rin o!”

⁵Leu api timiei Niniwe nya ingon jo kep Allah nicuk yokti. Yahagom ikos tut bipia isindui njita mem nituti poi leu api bikwop yo di inyeng jei nya kikau ug bipek awak nya yahagom ijuk sinsun kron gi bindo bipia ittin ser ide sisar.

⁶Tirigi nibou ndig ei minu ndig Niniwe kan tut igyai munti dima lene noni kes nide banggo mbrei bijo ei leu api juk sinsun nibou ndig leu no lene juk sinsun kron bigwam tut ei atriemti.

⁷Noni cem tri tut nicukti bak timiei minu ndig Niniwe yahagom bipai biyok “Nicukti dini leu da di nibou ndig kin nibou nya di igya kui da. Je di timiei minu ndig Niniwe e, ma jeni kin jide mindhe-ndhe di jihyen kep nya cem jahagom jiyem njita bijidut ndia ngei au.

⁸Ma tungwatu nya kin mindhe-ndhe nya cem yahagom ijuk sinsun kron leu api yuhuk nadi bak Allah bikiek leu igyai munti di kinei bibor nya bittin ser ide sisar cem.

⁹Mpaba Allah miluei ningonti bikes hon ba, ningon sibui sut nye bu bi apino isar bi.”

¹⁰Allah ngat bou niyai him bipia igyai mun di igbit ba, ittin ser igyai munti di kinei bibor nya hagom. Gima rino Noni luei ningonti bikes hukum ei yok dip bit leu nok nikos tutti bi.