Read Hatam MBEN ISRAEL IMBUT-MBUT NYEN 30 Bible Online

MBEN ISRAEL IMBUT-MBUT NYEN 30 - Hatam bible

MBEN ISRAEL IMBUT-MBUT NYEN 30

¹Musa yai nicukti dini yok bak keret mben Israel ide nibou nya.

² Gino pinai gom preu ei tug hon neheng bipia mipigig sut mun nyeng hi ei mem TUHAN ba, mimbres nonti leu mun nyeng hi cem lene nipreu ei tug hon nehengti dima ngot noni ba, suar yai mun bipek kep nipreu eisi dima lene ma njiriek au.

³Gino sop gwam nitta pilei gom di bong ei nicig nide ig bei preu ei tug hon neheng bipia mipigig sut mun nyeng hi ei mem TUHAN ba, mimbres nonti leu mun nyeng hi cem lo,

⁴nicig ningon buhun tut bi lene nipreu ei tug hon nehengti dima ngot noni ba, suar yai mun bipek kep nipreu eisi nya dima hagom.

⁵Noro gino nicig ningon buhun tut lene sop dima nipreu ei tug hon nehengti dima ngot noni bu bi. TUHAN mikos ser nitunggweisi dima lewo nicig ggai ser noni.

⁶Tut sop gom di wak nijjep bigyo di bisinggre bipreu ei tug hon neheng e, he preu ei ariwace e, kin sop di preu ei bipia mimbres nonti leu mun nyeng hi cem lo, wak nijjep ei nidipti bu lene,

⁷gino nijjep ggai ser noni tut bi lene nipreu ei tug hon nehengti dima ngot noni ba, suar yai mun bipek kep nipreu eisi nya dima hagom lene ma njiriek au.

⁸Noro gino nijjep ggai ser noni tut lene sop dima nipreu eisi nya ngot noni bi. TUHAN mikos ser nitunggweisi dima.

⁹Tut sop kibom kin sop di nijjep kou ei di preu ei tug hon neheng ba, preu ei bipia mimbres nonti leu mun nyeng hi cem lene nipreu eisi nya dima ngot noni ba, suar yai mun bipek kep nipreu eisi dima hagom.

¹⁰Tut sop di wak nijjep tu di preu ei tug hon neheng ba, preu ei bipia mimbres nonti leu mun nyeng hi cem,

¹¹lene gino nijjep ningon buhun tut bi lene suar yai mun bipek kep nipreu eisi nya dima hagom.

¹²Noro gino nijjep ggai ser noni tut lene sop dima nipreu eisi nya ngot noni bi. TUHAN mikos ser nitunggweisi dima lewo nijjep ggai ser noni tut.

¹³Bikwop mun nyeng di nitnem preu ei tug hon neheng kin nipreu ei nindigsi cem lene dem tut gima nijjep ce tut ba, nggek tut cem.

¹⁴Noro gino nijjep miap tut nitnem nipreu eisi dima lo, ningon buhun tut kikau ug ei njap nitindur gom bi lene suar sop dima yai mun bipek kep nipreu eisi nya dima hagom. Lewo gi nijjep miap tut nipreu eisi dima lene ningon buhun tut bi kikau ug ei njap nitindur gom dima noyam kin gi noni ce.

¹⁵Ne gino nijjep nggek tut nitnem nipreu eisi nya dima ei nidipti bu lene suar nijjep biang nibuhunti tut ninggek tutti dima.

¹⁶Gima ne nicukti di TUHAN yai bak Musa tut sop gwam nitta pilei di bong ei nicig nide ig bei kin sop di wak nijjep tu nya di ipreu ei tug hon neheng ri.