Read Hatam MBEN ISRAEL IMBUT-MBUT NYEN 34 Bible Online

MBEN ISRAEL IMBUT-MBUT NYEN 34 - Hatam bible

MBEN ISRAEL IMBUT-MBUT NYEN 34

¹Lene TUHAN mbrap bit Musa,

²biyai nicuk mben Israelti binoni bipai “Jei bi lene mijicoi ug ei minu Kanaan. Gima ne minu di diyai bak jeni nok dihyei ninda rom ri. Minu dima bon ninyanti kin nijeisi nok gini.

³Minu niya kwas yamti nite bei mpia nibiho jo leu iggum ndigsi Zin sir minu Edom. Minu niya kwas yamti dima mbut bipek kin Igpong Nsim nibiho nohon keti,

⁴lene bikwam ndam nite bei mpia nibiho kin nicutti ikieti ug bipek kin Puig Akrabim lene bikwam ndam iggum ndigsi Zin kikau ug bibon nuhuisi ei Kades-Barnea nite bei mpia nibiho. Leu sirima lene bikwam ndam nite bei mpia nicutti kin nijjai ikieti kikau ug bipek kin Hazar-Adar lene kikau ug bipek kin Azmon.

⁵Ei sirima lene bikwam ug ei mbang briep di bikkin minu Mesir lene bikwam kikau ug ei Muk Hacan bibon nipekti ei sirima.

⁶Lene Muk Hacan bon hanjop niya kwas yamti mem jide minu nite bei mpia nicutti.

⁷Minu niya kwas yamti bei mpia nijjai mbut kak puig di sren di bon nipekti ei Muk Hacan bimbut kikau ug bipek kin Nungug Hor,

⁸lene mbut kikau ug bipek kin Puig Hamat leu api mbut kikau ug bipek kin Zedad,

⁹lene mbut bipek kin Zifron kikau ug ei Hazar-Enan bibon nipekti ei sirima.

¹⁰Minu niya kwas yamti nite bei mpia nipriti bon nuhuisi ei Hazar-Enan lene kiek ndam nite bei mpia nibiho kikau ug bipek kin Sefam,

¹¹lene juk leu sirima ug bipek kin Ribla ba, kriau minu ttou nsi Ain nite bei mpia nipriti leu api mbut kikau ug bipek kin mbigdip nya ei Igpong Galilea nintig dip nite bei mpia nipriti,

¹²leu api kak Minyei Yordan nyai ndam nite bei mpia nibiho kikau ug ei Igpong Nsim hanyen bibon nipekti ei sirima.” Gima ne minu niya kwas yamti bitai di bikrop ttai jide minu ri.

¹³ Lene Musa pai bak mben Israel “Gima ne dihyei di jikwas tut yam tug hon nisinati niko nibinggok tut ri. Ba, suar je di keret muhwindatai biniken jikwas tut yam bit leu TUHAN nicuk nyeti.

¹⁴Keret Ruben Gad Manasye niken yoni ima ide dihyei ninda rom ba, ikwas tut ide bat nya kin ide ig bei nsi nya tu.

¹⁵Ba, dihyei ninda rom di ide dima birok kik minu ndig Yerikho ei Minyei Yordan nite bei mpia nipriti.”

¹⁶Lene TUHAN pai bak Musa,

¹⁷“Suar Imam Eleazar kin Yosua di Nun nipmot ikwas dihyei dima tut mben Israel.

¹⁸Lene ma ando nibou gom-gom bikwop keret hagom mem gima impu Eleazar kin Yosua bikwas dihyei dima.”

¹⁹Yo dima ne Kaleb di Yefune nipmot di ntun keret Yuda him,

²⁰kin Samuel di Amihud nipmot di ntun keret Simeon him,

²¹kin Elidad di Kislon nipmot di ntun keret Benyamin him,

²²kin Buki di Yogli nipmot di ntun keret Dan him,

²³kin Haniel di Efod nipmot di ntun keret Manasye di Yusuf nipmot him,

²⁴kin Kemuel di Siftan nipmot di ntun keret Efraim di Yusuf nipmot him,

²⁵kin Elisafan di Parnah nipmot di ntun keret Zebulon him,

²⁶kin Paltiel di Azan nipmot di ntun keret Isakhar him,

²⁷kin Ahihud di Selomi nipmot di ntun keret Asyer him,

²⁸kin Pedael di Amihud nipmot di ntun keret Naftali him.

²⁹Yo dima ne yo di TUHAN cuk yok mem gima ikwas dihyei ninda rom tut mben Israel ei minu Kanaan ri.