Read Hatam HABAKUK 1 Bible Online

HABAKUK 1 - Hatam bible

HABAKUK 1

¹Gini ne TUHAN nihyet di Noni sok ei Nabi Habakuk dip ri.

²TUHAN e, dahara Nani wer ninno leu binhyepo akwei mpu da. Dihig ser Na bipia apig api abuhup dihyet ba, ampu nye leu binhyepo ningwes ngun leu yo di imbuk tut nye i?

³Nggon rino asindui sut da ba, dingat mun di mbuk bibor dini bou diyai him i? Nggon rino asindui sut ba, tungwatu nya ibon mun di mbuk bibor nok gima i? Nitimek bingwigsi kin nimbuk tut yamti ngwig ttai da. Tungwatu nya ibui yam biliriem yam cem ei minu dini nisurti-nipekti.

⁴Niggai serti nya mbut sindem bibon ninyeng bi ba, nikei nya iba ingon dwei bikos tut mun di srou tungwatu nya. Yo di imbuk nya igyai munti nya dor sindem njiriek yo di ingon sren nya igyai munti nya ba, yo di imbuk nya ikiek nikei nikos tutti nya bibit leu yonti ingon kanti.

⁵ Leu api TUHAN pai bak Nide limwa nya “Ma jiyok jiyai kep mben dihyeisi dini di ibong ttai je lewo jei bi ne mijinga leu sut mun di jingat bou jiyai him. Lewo ei nijam dini ne midiyai midyai gom di bindei ba, gino jimiap tut midyai dima he ne jingon jo kep bi.

⁶ Midiyai nisindemti bak mben Babel di iten-pos bimbuk bibor cem. Yoni sindi injei siceu bimbut bidem dihyei nisurti-nipekti leu binhyepo ikon pran bit mben dihyeisi dini bihwen yok.

⁷Tentara dima inghapti di tibim bindei ba, mben dihyeisi dini hagom ittin tut yok bingon ttin bibor cem. Tentara dima iba ingon di jei birok niggai serti nya hagom lene ibit gi dem igbit yonti ingon kanti.

⁸Ide kuda pran mbut sindem dor njiriek macan tutul ba, iten-pos dor njiriek serigala di nggum bibor. Tentara Babel nibri kuda cig dima yok ikwei leu ting bibor ba, ide kuda nya injou mbrap bit dihyei. Ba, ikweisi noyam kin hacam krubri di dwop-dwop nyen di cut bisus mun di yem.

⁹Tentara dima yok igya bidem ide siceu nya itimieisi lene iba ingon di mbuk bibon yok lene ibindei ba, tungwatu nya yahagom idigit tut ikweisi. Tungwatu di bit bon hi kwop imangti kan bi nya icut bak yoni lene siceu nya ikat yok biyuug sut.

¹⁰Tentara Babel iba ighyet bicig nibou ndig nya lene iba yo di inyeng jei nya bikek. Ingwes pri gau bikwop minu ndig di bon tentara nibousi ser yo dima yahagom ikweisi. Tentara dima yok iroi dihyei keyam bikui sur ngug tig nya lene ikui bibindei minu ndig dima timek bingwig.

¹¹Leu api imbut kikau ug ei mpia ttou nsi hi ter bu bihigom noyam kin hou di cut. Ba, ikuk yok bak yonti ide nisindemti noyam kin gi ikuk yok bak kwar di ikuk yok bak.”

¹²TUHAN e, Nani ne Allah habiei nimbie him kwei ri. Nani ne TUHAN kin ditde Allah di kwes-kwau di niyaijo ninno bijo kikau cem ri. Na di TUHAN kin ditde Allah di aya srak ko hagau da cem e, adimig mben Babel ei lene abindei ba, isindem bibor leu binhyepo aba yok bikes hukum ei nyeni dip.

¹³Nggon rino aba ayai ngat tentara dima yok di ibon mun di mbuk bibor i? Bit bon aba ayai ngat mun di mbuk bibor drek dip Ade ningon kwes-kwausi kan bi e? Ayai ngkek ttin ser yo di bit bon hiter ba ningon com yok kan bi nya bi e? Gima rino nggon rino akimut ahui tirigi mben Babel di imbuk bibor dor njiriek nye ikwei bihwen nye i?

¹⁴Nggon rino abibon nye di tungwatu noyam kin wau ei muk ngeisi kin mun ham di ibon iceu di bie tut yok bi i?

¹⁵Mben Babel iba simper bibrim tut tungwatu nya noyam kin gi ibrim tut wau nya. Ipip tut tungwatu nya ei ide jala nyati lene inggei ngwig sut yok!

¹⁶Leu api ikuk yok bak ide jala ba, ibon midut ei nimbar hum dokti kep lewo ide jala bindei ba, ibong kei igwam kei bigyem njita nyeng hagom bidem cem.

¹⁷Iba ingon di nggriu kan bi bimem inghat tut ide simeda bibiyai nimai bak mben dihyeisi dini kikau e?