Read Hatam ZAKHARIA 4 Bible Online

ZAKHARIA 4 - Hatam bible

ZAKHARIA 4

¹Malaikati di mbrap bit da kwei hanyen bu biwin da noyam kin gi iwin no di bong mai,

²lene hig da “Angat mindei i?” Dibuhup “Dingat mini njeng nidihim di iba mas bibon. Bokor di mem mini joti jo ei niyenti gi nidip hu kwei ba, mini njeng nika muhwindacan jo ttai ninghas him. Bikwop mini njeng nika bon nipu di ikwas muhwindacanti binok hum njeng ningat muhwindacan.

³ Biei zaitun ninjem can jo mini njeng nidihim nite bei anda prak kin nite bei anda com.”

⁴Leu api dihig ser malaikati dima “Andigpoi e, mun dima yok bindo tut mindei i?”

⁵Noni hig da hanyen “Agikan tut bi e?” Dibuhup “Andigpoi e, dikan tut bi.”

¹⁰ Noni pai bida “Mini njeng muhwindacan dima ne TUHAN niyai njep muhwindacan di biyok niyai kep dihyeisi dini nisurti-nipekti ri.”[2]

¹¹ Leu api dihig ser noni “Biei zaitun ninjem can di jo mini njeng nidihim nite bei anda com kin nite bei anda prak dima,

¹²kin biei zaitun ninda cin di su dideu kon mas cin di behek mini zaitun dima bindo tut mindei i?”

¹³Noni buhup “Agikan tut bi e?” Dibuhup “Andigpoi e, dikan tut bi.”

¹⁴Noni pai “Gima ne ibou can di TUHAN di pai tes dihyeisi kin gwamti bitut mun di joti nya hagom dimig ei mem gima igyai midyai mem Noni ri.” TUHAN de nipreu eisi mem Zerubabel Malaikati dima cuk da bidipai sut TUHAN nisokti dini bak Zerubabel. “Bit bon agiyai mun bipek kep tug hon tentara nya ide nisindemti kin nanti ade nisindemti cem kan bi. Noro tug hon Dinnei he. Nibigen ser nati di dem kep nungug lo, mipror leu aho bei. Nani rino ma awin Ditde Ig hanyen. Mpe dino akrau tig mma di bon ninyeng ba, aprion ei nuhuisi lene tungwatu nya mimbos-hi-mbos bipai ‘Kei bibor kei!’ ” Lene TUHAN tri tut nisokti hi kin bu bida, bipai “Zerubabel prion tig mma mem Ditde Ig nikiou tu ba, noni miwin Ig dima titut yam biput. Gino gima pek kep ne Ditde limwa nya mikan tut bipia Da di TUHAN rino dicuk na ndam yok a. Mbro nok gino bihi ingon cut leu drek dip midyai niwin Ig dima nimbut sindem bisi lo, yoni mingat Zerubabel di binut niwin Ditde Igsi bou igyai him lene ingon minggei-hi-nggei.”