Read Hatam ZAKHARIA 5 Bible Online

ZAKHARIA 5 - Hatam bible

ZAKHARIA 5

¹Tirigi dingig diyai hanyen bu lene dingat ningat-hi-ngat tut srat kijum gom di dimba-mba nyen ei mpia-bbed him.

²Malaikati dima hig ser da tut mun di dingig diyai kep. Dibuhup “Dingat srat kijum ningat gom di dimba-mba nyen ei mpia-bbed him. Nijeisi dem meter muhwindatai lene ninyanti dem meter bitai biniken.”

³Lene noni pai bida “Nisigionti mem minu dini nisurti-nipekti no jo srat kijum dimati a. Mun di ipas ei srat nite hi pai TUHAN micok tut bikwop ninggimang mun cig leu minu dini. Ba, mun di ipas ei srat nite hi bu pai TUHAN micok tut neheng ugwai-gwai tug hon TUHAN ninyeng cig leu minu dini.

⁴TUHAN Di Sindem Bibor pai bipia nisigionti dima micut igkep bikwop ninggimang mun cig kin neheng ugwai-gwai tug hon Nonti ninyeng cig ide ig a. Nisigionti dima micut igkep ig dima yok kikau bitimek biwer igkum kroi kep.”

⁵Malaikati dima tau hanyen bu bipai “Angat i! Hi kin bu ritau kwei a!”

⁶Dihig ser noni “Mindei ritau kwei dima i?” Noni buhup “Bansi ndig gom di bindo tut minu dini titut yam nide sisar[3] ritau kwei dima.”

⁷Bansi ndig dima bon nibeng di iba jep oi bibon. Tirigi ditou kep nggilun lene malaikati kau nibeng leu api dingat lo, sop gom no gwam ei ninsi a.

⁸Malaikati dima pai “Sop dini bindo tut sisar di kinei bibor ri.” Pai nok rino om sop dima hanyen ei bansiti lene ba nibeng bikibou kep.

⁹Lo bi lene dicap kui bidingat sop ibou can di idimba juk kwei ndam da. Imbun inyehei di sindem kei bidem kindus mbrei ninyehei pimo. Isu inda bigyai bansi leu api idimba tut hak.

¹⁰Dihig ser malaikati “Ittei bansi dima biyuug sut ug ei hantou i?”

¹¹Noni buhup “Yuug sut ug ei minu ndig Babel ba, miwin ig kwar nibousi hi mem ei sirima. Mpe di ig dima put tu ne ikes bansi eisi mem gima tungwatu nya ikuk yok bak.”