Read Hatam MALEAKHI 4 Bible Online

MALEAKHI 4 - Hatam bible

MALEAKHI 4

¹TUHAN Di Sindem Bibor pai “Njap dima ne tto bou midem mem hum yem yo di inggei-nggwang tut yonti nya kin yo di imbuk nya yahagom dem kep hum di yem mintu-minta di mui su. Hum miyem yok bihigom ei njap dima leu api ipror bingwig.

²Noro Ditde nisindemti di teu je mitau kep je nok mpia nipriti ba, nimbai di nok mpia nimbai mibindei ba, jikei hanyen. Jiyati kwes bijingon nggan-triot dem kep sapi pmot di sindi hei leu sar nsi.

³Mijinjei yo di imbuk nya bingwig mem njap di Danti dikos tut ei mem yok tu apino inok dihyei ndung di jico-co nyen kep.

⁴Ma jiyok ngon kep Ditde awak di Musa ningginau jeti nya. Ma jikan kep dicuk noti nya kin niggai serti nya di diyai binoni ei Nungug Sinai leu binhyepo mben Israel yahagom ibit.

⁵ Noro nipou tirigi TUHAN de njap ndig di buhun bibor tau kep je bigyo ne midipinak Nabi Elia hwou ndam je.

⁶Noni mibindei ba, andigpoi nya kin munggwom nya ingon kwes kin yam hanyen. Gi bi ne midijuk hwou ndam je bidibindei ba, jide minu dima hagom timek bingwig.”