Read Hatam MATIUS 1 Bible Online

MATIUS 1 - Hatam bible

MATIUS 1

¹Daptar dini ndo igbit tut pung dino kwei bipek Yesus Kristus di Nide pung ntun Daud him ba, Daud de pung ntun Abraham him.

²Abraham yai nipmot Ishak lene Ishak yai nipmot Yakub lene Yakub yai nipmot Yehuda kin nikindig bat-nikinjoi bat nya.

³Yehuda yai nipmot bat cin di Peres kin Zerah ba, munggwom cin dini yok ipmem ninyeng Tamar. Lene Peres yai nipmot Hezron lene Hezron yai nipmot Ram.

⁴Ram yai nipmot Aminadab lene Aminadab yai nipmot Nahason lene Nahason yai nipmot Salmon.

⁵Salmon yai nipmot Boas di nipmem ninyeng Rahab lene Boas yai nipmot Obed di nipmem ninyeng Rut lene Obed yai nipmot Isai.

⁶Isai yai nipmot Daud di nok nibou ndig lene Daud yai nipmot Salomo di nipmem wak Uria bibie pima.

⁷Salomo yai nipmot Rehabeam lene Rehabeam yai nipmot Abia lene Abia yai nipmot Asa.

⁸Asa yai nipmot Yosafat lene Yosafat yai nipmot Yoram lene Yoram yai nipmot Uzia.

⁹Uzia yai nipmot Yotam lene Yotam yai nipmot Ahas lene Ahas yai nipmot Hizkia.

¹⁰Hizkia yai nipmot Manasye lene Manasye yai nipmot Amon lene Amon yai nipmot Yosia.

¹¹ Yosia yai nipmot Yekhonya kin nikinjoi bat nya. Ei mpe dima lene mben Babel icut igkep mben Israel bikat yok bicom yok ug ei minu Babel.

¹²Niabiati inok awak ei minu Babel bingwig leu su lene Yekhonya yai nipmot Sealtiel lene Sealtiel yai nipmot Zerubabel.

¹³Zerubabel yai nipmot Abihud lene Abihud yai nipmot Elyakim lene Elyakim yai nipmot Azur.

¹⁴Azur yai nipmot Zadok lene Zadok yai nipmot Akhim lene Akhim yai nipmot Eliud.

¹⁵Eliud yai nipmot Eleazar lene Eleazar yai nipmot Matan lene Matan yai nipmot Yakub.

¹⁶Yakub yai nipmot Yusuf dino Maria nijjep lene Maria srek tut Yesus di ninyeng hi Kristus.

¹⁷Gima rino yo di intun Abraham him kikau kwei bipek Daud ide nintun yam himti nimangti simnaibrimigtai. Ba, yo di intun Daud him kikau kwei bipek mpe di mben Babel icut igkep yok ide nintun yam himti nimangti simnaibrimigtai bu. Niabiati inok awak ei Babel kikau kwei bipek Kristus ningwoi-ngwoi cem ide nintun yam himti nimangti simnaibrimigtai.

¹⁸ Yesus Kristus tirigi nimbie him ningwoi-ngwoi sindi nipmem srek tut nok gini. Yusuf yok wa kep Maria noro nipou tirigi iwak yam bigyem njita tut yam bigyo ne Maria kan tut bipia nghop tu lo, tug hon Ninnei Gi Kwes.

¹⁹Yusuf di yok wa kep Maria ningon sren. Noro ningonti ngkwei nyahan leu Maria ba, joi sut kou nyahan hak ug leu binhyepo tungwatu nya mipui kep Maria ninghapti ninyen bi.

²⁰Tirigi Yusuf kan-kan nyen tut mun dini yok hagom lene Allah de malaikati gom tau kep noni tirigi bong bimumpriem bipai bak “He na di Yusuf dino ade pung kim Daud e, ma angwes mien tut gima ayai Maria nok atnem au. Lewo noni nghop tug hon Ninnei Gi Kwes.

²¹ Noni misrek tut munggwom nipinai leu api ma ajem ninyeng Yesus lewo Noni miteu Nide limwa nya leu ide sisar biyai niyaijo nijep biyok.”

²²Mun dini yok hagom pek kep mem yok leu binhyepo mun di Allah pai tug hon nabi midem ug e. Ba, Noni pai,

²³ “Sop gwam nitta pilei gom minghop rin ba, misrek tut munggwom nipinai gom leu api tungwatu nya mijem ninyeng Imanuel.” (Imanuel leu nihyet Ibrani gi ibijem bipia “Allah gwam bit nyeni”.)

²⁴Tirigi Yusuf da niyai bikiju lene noni bit Allah de malaikati nicuk noti ba, yai Maria nok nitnem.

²⁵ Noro igyem njita tut yam bi kikau bibou Maria srek tut nipmot ug e. Tirigi noni srek tut nipmot lene Yusuf jem ninyeng Yesus.