Read Hatam MATIUS 3 Bible Online

MATIUS 3 - Hatam bible

MATIUS 3

¹Niabiati bu lene Yohanes di tur tungwatu nya ei minyeiti kwei bong ei iggum ndigsi ei hanjop Yudea bitri tut nihyet.

² Noni tri tut biyok “Ma jittin ser jide sisar bijikiek je ndam Allah lewo Allah Ninyeng Tak Kepti dideu kwei su.”

³ Nabi Yesaya tri tut Yohanes dini nipou su bipai, “Tungwagom nihyet tibim kwei leu iggum ndigsi bipai ‘Ma jitin puig di sren kei mem Tuhan nimbutti lene ma jiji kep ninjuisi sur yam kei.’ ”

⁴ Yohanes juk unta nta di ibien nok sinsun lene tti mindhe ngkek nok bang. Gima cem noni yem kep hai ceng kin ahwei lon ngei nok nide njita.

⁵Timiei minu ndig Yerusalem kin hanjop Yudea kin minu mien di gahai Minyei Yordan nyai yahagom induk yam kwei binggreu kep noni.

⁶Yo dini ipai jit ide sisar leu api noni tur yok ei Minyei Yordanti.

⁷ Tirigi Yohanes ngat Farisi nya kin Saduki nya imang bibor di induk yam kwei mem gima noni tur yok ei minyeiti lene noni pai kep yok “Je di jintun wou piet him e, tou risok kep je leu binhyepo jingwes ngun leu hukum di Allah mikes ei je dip i?

⁸Ma jiba jiyai munti bindo bipia jittin ser jide sisar bijikiek ndam Allah tu.

⁹ Ma jikan bipia mijingwes ngun drek dip gi jintun Abraham him au. Dipai bije bipia Allah sindem mem gima bindei tig dini yok binok yo di intun Abraham him.

¹⁰ Hi tin ei mem gima wim biei nya nitriti. Noni miwim bikwop biei di ngat ningat di kei hi bi nya leu api ndig hagom kep hum.

¹¹Ditur je ei minyeiti mem gima bindo bipia jitin ser jide sisar ba, jikiek ndam Allah tu. Noro No di ya abia kep da ma kwei mitur je ei Ninnei Gi Kwes kin humti. No dima ninyeng jei bibor dor njiriek da. Dani ne dem mem gima dikwek Nide srop ba, dittei bi.

¹²Nide hot nggram jo ei nindati. Noni mibicig gandum nisina billet leu ningat leu api mbus ningat hagom keyam ei Nide igudanti leu api ndig nisina bai kep hum di bit bon hi mu kan bi.”

¹³Mpe dima lene Yesus jo leu Galilea bikwei ngat Yohanes ei Yordan nyai leu binhyepo yai nitur no ei minyeiti.

¹⁴Noro Yohanes tte tut Yesus bipai “Nggon rino ayok ngon mem gima ditur Na ei minyeiti i? Lewo suar Nani atur da ei minyeiti.”

¹⁵Noro Yesus buhup “Nok ug e. Lewo tug hon nisinati dini ne siyai mun bit leu Allah ningon kanti mem sa.” Lene Yohanes ce.

¹⁶Tirigi Yesus yai dimigyam tug hon minyei bikiju kui leu minyeisi lene mpia-bbed him kau kros leu api Noni ngat Allah Ninnei nok hakimoi di dwop juk bigwam ei Noni dip.

¹⁷ Nihyet gom cem tibim leu gwamti bipai “No dini ne Dipmot rin ba, dingon ngakei Noni bidingon kei sut Noni cem.”