Read Hatam NINDAT KEP TUHAN NICUKTI NYA 26 Bible Online

NINDAT KEP TUHAN NICUKTI NYA 26 - Hatam bible

NINDAT KEP TUHAN NICUKTI NYA 26

¹“Niabiati jikieng kep minu di TUHAN di nok jide Allah yai bije bijibong kei jigwam kei eisi tu,

² lene ma bikwop tungwagom-gom yai njita ninyeng gom-gom di sindi ngat ningat ndrim hi bijikes ei bansiti lene jimbut tut ug ei minu ttou nsi gom ngat po jikuk je bak TUHAN di nok jide Allah eisi pima.

³Ma juug ngat imam gom di yai kep midyai mem nijam dima ba, jipai binoni ‘Dipai brei ei TUHAN di nok ditde Allah niyai him bipia dicoi ug ei minu po Noni preu sut ei bak idigup-bat idigai bat nya mem gima yai binye pima tu.’

⁴Lene imam dima miyai bansi bitut mun di joti nya leu api mikes nyahan bijo ei TUHAN di nok jide Allah Nide nimbar hum dok nuhui.

⁵Lene ma no di ttei bansi dima kwei ndat kep nihyet dini ei TUHAN di nok jide Allah Noho bei bipai ‘Arig TUHAN e, pung di dintun him ne tungwagom leu Aram po mbut-mbut nyen bibuwak nide ig bei nsi nya yahagom ug ei minu Mesir pima ri. Tirigi yoni yuug krau minu Mesir lene imangti gom-gom he noro idigek kep mpia ei sirima apino imang nding bu ba, isindem bibor cem.

⁶Noro mben Mesir imbuk tut nye nindig bibor ba, yuubon nye nok awak.

⁷Mpe dima ne ningat nadi bak TUHAN di nok nyeni nidigup bat-nidigai bat nya ide Allah. Lene amiap kep nyende nadi ba, angat bou ayai him bipia niyai ninghuisi di wei ba, mun di buhun bibor cut igkep nye ba, ico kep nye cem ei mpia dima.

⁸Lene ateu nye biningwes ngun leu minu Mesir tug hon Ade nisindemti. Abon mun di mindur kin bindo nya kin mun di bindei dino nyende siceu ingon tai-tai bou.

⁹Lene abuwak nye kwei ei sirini ba, ayai dihyei di bon ninnumti di kei bibor kei binye tu.

¹⁰Gima rino dittei njita di sindi ngat ningat dini ndrim hi kwei mem Na di TUHAN di ayai njita hagom bida tu.’ Pai nok lene ma jikes bansi dima nyahan bijo ei TUHAN di nok jide Allah Noho bei leu api jikuk je biNoni ei sirima.

¹¹Ma jipai sigyo tut mun di kei bibor di TUHAN di nok jide Allah yai bije kin jide bat nya. Lene ma jisindui sut yo di intun Lewi him kin ngkiai nya di ibong bit je iba yo kum je tirigi jiyem pesta kep nibon midut dima.

¹² Ma jikwas jide njita gom leu ningot gom, gom leu ningot gom lene nok mbigom tut yo di intun Lewi him kin ngkiai nya kin moibihi nya kin kibom nya yahagom bikwop ari bingwam niningai leu binhyepo njita midem mem yok ei jide minu ttou nsi nya hagom. Tirigi jiyai nok gini tu,

¹³lene ma jipai brei bak TUHAN di nok jide Allah ‘Nyende njita gom leu ningot gom, gom leu ningot gom lene nok hagom ngwig leu ig bei tu lewo nikwas hagom tut yo di intun Lewi him kin ngkiai nya kin moibihi nya kin kibom nya yahagom bit leu nok acuk nyeti pima tu. Niyai mun tunggwei ba, ningon prion ser Ade nicuk nyeti nya tut njita di suar nikwas tut yok bi.

¹⁴Niyem njita dima ndrim hi tirigi ningon ngguk tut nimai bi. Lene nikon hi ba, nuug sut ug ei nisai tirigi nyeni nipuig kinei bi. Lene nikwas ndrim hi nok mun di ipigig ser mem ibigo nimai bi. TUHAN e, nibit Ade nicuk nyeti nya tut njita gom leu ningot gom, gom leu ningot gom lene nok bidem tu.

¹⁵Gima rino angig ayai kep nye leu Ade gumihyep di kwes-kwau ei gwamti ba, anjei mun di kei bak Ade limwa di mben Israel cem anjei mun di kei bak minu dibon ninnumti di kei bibor di ando binye dini bit leu nok gi po apreu ei mem nyeni nidigup bat-nidigai bat nya nipou su pima.’ ”

¹⁶“Njap di ammani TUHAN di nok jide Allah cuk je bipia suar jibit Nide nicukti nya hagom. Gima rino ma jiba jingon gom kin jingon titut bibit hagom.

¹⁷Njap di ammani ne jipai jit bipia TUHAN ninyeng tak kep je. Jipreu ei mem Noni bipia mijibit nihyet ba, jiyok ngon kep Nide nicukti nya ba, jiyai hagom bit leu nok nicuk jeti nya cem.

¹⁸ Gima rino Noni sindui sut je bijinok Nide limwa nya bit leu nok Noni preu ei mem je tu. Lene Noni cuk je leu binhyepo jibit nicuk jeti nya hagom.

¹⁹Noni mibibon je bijinok mben nindig bibor ba, sindem bibor cem dor njiriek mben nindigsi di Noni pai tes nya tu. Apino tungwatu dihyeisi dini hagom minggei sut je bikon jinyeng cem.[12] Mijinok Nide limwa di ningat-ngat nya bit leu nok Noni preu ei mem je tu.”