Read Hatam TESALONIKA GI NIGOM 3 Bible Online

TESALONIKA GI NIGOM 3 - Hatam bible

TESALONIKA GI NIGOM 3

¹ Hon kep mpe dima lene gi mbun noom kep ningonti bu kan bi. Gima rino nikan bipia gi kei mem nibou can nigwam binyengkom ei minu ndig Atena ba,

²nipinak nisut Timotius di yai midyai nok awak mem Allah noyam kin nye di nitri tut Nihyet Di Kei tut Kristus. Nipinak noni bingkwei hanyen hwou mem gima biwin kep jingonti bibindei ba, jide niba ningon com Yesus Kristusti kum eisi bu,

³leu binhyepo jigom ngkwei hanyen drek dip tungwatu nya di ihwen bit je bi. Lewo jikan tut bipia Allah sindui sut ba, tungwatu nya igyai ninghuisi wei binye.

⁴Mpe di ningat rin bit je nipou su ne nipai bije bipia tungwatu nya mihwen bit nye ri. Lene gima igbit rin lewo jei bi lene ninghuisi wei dima cut igkep nye.

⁵Leu api gi mbun doom kep dingonti bu kan bi. Gima rino dipinak Timotius hwou ngat je leu binhyepo ngig niyai kep jide niba ningon com Yesus Kristusti. Lewo dikrau dingon tut je gino jicut bak Bilis lene gima bindei ba, nicom nahanggwap tut je mikui-kausi e?

⁶ Noro noni sindi kwei krau hanyen tu bipui binye tut jide niba ningon com Yesus Kristusti kin jide ningon ngakei yamti cem. Noni pai binye bipia jingon kwes kin nye kikau ba, jijoi sut gi jikwei ngat nye dem kep nok gi nyeni nijoi sut nihwou ngat je hanyen bu.

⁷Gima rino disut bat jen, mbro nok gino tungwatu nya ihwen bit nye biwaisi nye cem lo, ningon nggan-triot lewo nikan tut bipia jiba jingon com Allah kikau lene gima biwin kep ningonti,

⁸lene jinghapti tibim tut gi jingon nddong kei tug hon jide ninok gom kin Tuhanti kikau. Lene gima biyai ningon di nggan-triot kei hanyen.

⁹Nogindini jinghapti di tibim kwei dima ribindei di nijem sigyo bak Allah ba, niyai nillei ei Noho bei drek dip je.

¹⁰Ba, nuhuk nadi bikwop mmun-njap leu binhyepo Noni mikau dimbou leu nye mem gima nihwou ngig niyai kep je ba, nibiwin kep jide niba ningon com Yesus Kristusti.

¹¹Handei kon ba, Icig Allah Nonti kin ide Tuhan Yesus itin puig mem nye leu binhyepo nihwou ngat je hanyen bu.

¹²Handei kon ba, Tuhan yai jingon ngakei yamti kin jingon ngakei tungwatu nya yahagomti bikum nut bu noyam kin nyende ningon ngakei jeti.

¹³Tug hon nisinati dima Noni mibiyai jingon nddong kei leu binhyepo jingon sren ba, jingon kwes cem ei Icig Allah Noho bei tirigi ide Tuhan Yesus kwei hanyen tut Nide limwa nya yahagom.[1]