Read Hatam YOSUA 12 Bible Online

YOSUA 12 - Hatam bible

YOSUA 12

¹ Nipou Musa mai bigyo lene mben Israel ibindei timek nibou ndig ibou can di ide minu ndig nya jo Minyei Yordan nite bei mpia nipriti lene igya minu di ide nya bigyati tu. Minu di ibindei timek leu di igyai di igyati dima rino Mbang Briep Arnon lene kui bikak Mbang Briep Yordan kikau ba, nitingti ug ninno bipek kin Nungug Hermon nijjai.

²Nibou ndig gom di Sihon ne nibou ndig di ninyeng tak kep ei Hesybon ri. Minu ndig di ninyeng tak kep ne minu ndig Gilead nite hi ri. Minu dima bon minu niya kwas yamti ei Aroer (ei Mbang Briep Arnon nite hi) kin minu ndig ei mbang briep dima nahacan ngat a. Nitingti ug ninno bipek kin Minyei Yabok nyai di nok mben Amon ide minu niya kwas yamti.

³Minu ndig di ninyeng tak kep dima jo ei Mbang Briep Yordan nite bei mpia nipriti ei Igpong Galilea kikau ug ei nite bei mpia nibiho bipek kin minu ndig Bet-Yesimot (ei Igpong Nsim nite bei mpia nipriti) kikau bipek kin Nungug Pisga nikiou.

⁴Nibou ndig hiter bu po mben Israel ibindei timek pima ne Nibou Ndig Og ei minu Basan. Minu ndig Asytarot kin Edrei ne nibousi mem Og ninyeng tak kepti ri. Nongkom ngat di niyai mohousi jo leu mben Refaim ri.[1]

⁵Minu ndig nya di Og ninyeng tak kep nya ne Nungug Hermon kin minu ndig Salkha kin minu Basan titut yam rin ba, nitingti ug ninno bipek kin minu niya kwas yamti ei Gesur kin Maakha. Nok gima cem ninyeng tak kep Gilead nite hi ba, nitingti ug ninno bipek kin minu niya kwas yamti ei Hesybon di Nibou Ndig Sihon ninyeng tak kep.

⁶ Yo cin dima ne nibou ndig po Musa ya tut mben Israel di ibindei timek yok pima ri. TUHAN de awak di Musa kwas dihyei di nibou ndig cin dima ide tut keret Ruben kin Gad kin Manasye nite hi binok ide dihyei hanjop nsi nya.

⁷Nibou ndig di Yosua ya tut tentara Israel di ibindei timek yahagom nya di ibong ei hanjop Minyei Yordan nite bei mpia nicutti. Ba, hanjop dima leu Baal-Gad ei Mbang Briep Libanon kikau bipek kin Nungug Gundul nite bei mpia nibiho dideu minu Edom. Yosua kwas minu dima tut keret Israel nindigsi nya sindam binok ide bu.

⁸Bitut nungug him kin nungug kiou nite bei mpia nicutti kin Mbang Briep Yordan bitut mboi nya kin nikiou nya kin cet titnon nya nite bei mpia nipriti kin iggum ndigsi nite bei mpia nibiho hagom sok yam ei minu dima. Nipou ne mben Het kin mben Amori kin mben Kanaan kin mben Feris kin mben Hewi kin mben Yebus yahagom ibong ei sirima.

⁹Nibou ndig di mben Israel ibindei timek yok yahagom sok yam imangti ibou ningot ningai. Nibou ndig dima yok leu minu ndig Yerikho kin minu ndig Ai (gi dideu Betel) kin Yerusalem kin Hebron kin Yarmut kin Lakhis kin Eglon kin Gezer kin Debir kin Geder kin Horma kin Arad kin Libna kin Adulam kin Makeda kin Betel kin Tapuah kin Hefer kin Afek kin Lasaron kin Madon kin Hazor kin Simron-Meron kin Akhsaf kin Taanakh kin Megido kin Kedes kin Yokneam (ei Karmel) kin Dor (ei les him) kin Goyim (ei Galilea) kin Tirza.