Read Hatam YOSUA 19 Bible Online

YOSUA 19 - Hatam bible

YOSUA 19

¹Dihyei hanjop nsi nikwas gi nican ne dihyei di mem keret Simeon ninsi de gom-gom ri. Keret Yehuda de dihyei hanjop nsi bikrop ttai keret Simeon de hanjop nsi.

² Keret Simeon tug ndei minu ndig simnaibrimigningai bitut minu mien di jo ttai nya ba, inyeng tak kep. Minu ndig simnaibrimigningai dima rino Bersyeba kin Syeba kin Molada kin Hazar-Sual kin Bala kin Ezem kin Eltolad kin Betul kin Horma kin Ziklag kin Bet-Hamarkabot kin Hazar-Susa kin Bet-Lebaot kin Saruhen.

⁷Kin minu ndig bitai bitut minu mien di jo ttai nya cem. Minu ndig dini yok rino Ain kin Rimon kin Eter kin Asan.

⁸Dihyei hanjop nsi dini bitut minu mien di jo ttai minu ndig dima yok hagom ug ninno bipek kin Baalat-Beer (minu ndig dini ninyeng hi rino Rama) bei mpia nibiho. Gini ne dihyei hanjop nsi nya di keret Simeon ninsi de gom-gom itug ndei ba, inyeng tak kep ri.

⁹Keret Yehuda de dihyei hanjop nsi dima bres bibor apino Yosua yai dihyei dima nite hi bak keret Simeon.

¹⁰Dihyei hanjop nsi nikwas gi niningai ne dihyei mem keret Zebulon nide bat nya ri. Dihyei hanjop nsi di igyai biyok ug ninno bipek kin minu ndig Sarid.

¹¹Minu niya kwas yamti ei Sarid mbut bei mpia nicutti kikau ug bipek kin Marala leu api ug bipek kin Dabeset kin minyei mien ei Yokneam nite bei mpia nipriti.

¹²Minu niya kwas yamti ei Sarid mbut bei mpia nipriti kikau bipek kin hanjop Khislot-Tabor lene mbut kikau bipek kin Dobrat bikui ug bipek kin Yafia.

¹³Minu niya kwas yamti dima jo leu mpia dima bimbut bei mpia nipriti bipek kin Gat-Hefer kin Et-Kazin leu api kriek hammi Nea bimbut ndam Rimon.

¹⁴Minu niya kwas yamti dima kriek ndam Hanaton nite bei mpia nijjai bikes hon ei Mbang Briep Yiftah-El.

¹⁵Keret Zebulon nide bat nya itug ndei minu ndig simnaibrimigcan bitut minu mien di jo ttai nya ba, inyeng tak kep. Minu ndig simnaibrimigcan dima ne Katat kin Nahalal kin Simron kin Yidala kin Betlehem kin nindigsi nya ri.

¹⁷Dihyei hanjop nsi nikwas gi nibitai ne dihyei mem keret Isakhar nide bat nya ri.

¹⁸Bitut minu ndig Yizreel kin Khesulot kin Sunem kin Hafaraim kin Sion kin Anaharat kin Rabit kin Kisyon kin Ebes kin Remet kin En-Ganim kin En-Hada kin Bet-Pazes. Minu ndig dini yok hagom jo ei ide dihyei hanjop nsi.

²²Minu niya kwas yamti dima mbut bipek kin Tabor kin Sahazima kin Bet-Semes bikes hon ei Minyei Yordan nyai. Minu ndig bitut minu mien di jo ttai nya ei ide dihyei hanjop nsi di keret Isakhar nide bat nya itug ndei ba, yo di inyeng tak kep dima ne imangti simnaimuhwidip brimigtehigom.

²⁴Dihyei hanjop nsi nikwas gi nimuhwi ne dihyei mem keret Asyer nide bat nya ri.

²⁵Bitut minu ndig Helkat kin Hali kin Beten kin Akhsaf kin Alamelekh kin Amad kin Misal. Minu niya kwas yamti dima mbut bipek kin Nungug Karmel kin Minyei Libnat nyai bei mpia nicutti.

²⁷Minu niya kwas yamti jo leu sirima bikriek bei mpia nipriti bimbut ndam Bet-Dagon ug bipek kin keret Zebulon de dihyei hanjop nsi kin Mbang Briep Yiftah-El lene nite bei mpia nijjai kikau bipek kin Bet-Emek kin Nehiel leu api ug kikau bu nite bei mpia nijjai ug bipek kin Kabul kin Ebron kin Rehob kin Hamon kin Kana lene ug ninno bipek kin Sidon lene mbut leu sirima bikriek ndam minu ndig Rama. Lene mbut kikau ug bipek kin minu ndig Tirus di bon nide ngug tig di bikrop ttai leu api kriek bu ba, ug bipek kin Hosa kikau bikes hon ei Muk Hacan nintig dip. Lene minu ndig Mahalab kin Akhzib kin Uma kin Afek kin Rehob bitut minu mien di jo ttai nya cem hagom jo ei hanjop nsi dima. Ba, nimangti hagom sok yam ug ei minu ndig nyatungwagom ba, can.

³¹Keret Asyer nide bat nya itug ndei minu ndig dima yok bitut minu mien di jo ttai nya hagom ba, inyeng tak kep.

³²Dihyei hanjop nsi nikwas gi nimuhwindagom ne mem keret Naftali nide bat nya ri.

³³Minu niya kwas yamti dima jo leu Helef bipek kin biei Ek ei Zaananim kikau bipek kin Adami-Nekeb kikau bipek kin Yabneel kikau bipek kin Lakum leu api bikes hon ei Minyei Yordan nyai.

³⁴Minu niya kwas yamti dima kriek leu sirima bei mpia nicutti bipek kin Aznot-Tabor lene mbut leu sirima kikau bipek kin Hukok. Lene keret Zebulon de dihyei hanjop nsi bei mpia nibiho bikkin keret Naftali de dihyei hanjop nsi. Lene keret Asyer de dihyei hanjop nsi bei mpia nicutti kin Minyei Yordan bei mpia nipriti hacem bon minu niya kwas yamti mem keret Naftali de dihyei hanjop nsi bu.

³⁵Keret Naftali nide bat nya itug ndei minu ndig ngat di bon ngug tig di bikrop ttai nya simnaimuhwidip brimigtehibitai di Zidim kin Zer kin Hamat kin Rakat kin Kineret kin Adama kin Rama kin Hazor kin Kades kin Edrei kin En-Hazor kin Yiron kin Migdal-El kin Horem kin Bet-Anat kin Bet-Semes bitut minu mien di jo ttai nya hagom.

³⁹Keret Naftali nide bat nya itug ndei minu ndig dima yok bitut minu mien di jo ttai nya hagom ba, inyeng tak kep.

⁴⁰Dihyei hanjop nsi nikwas gi nimuhwindacan ne mem keret Dan nide bat nya.

⁴¹Itug ndei minu ndig Zora kin Esytaol kin Ir-Semes kin Saalabin kin Ayalon kin Yitla kin Elon kin Timna kin Ekron kin Elteke kin Gibeton kin Baalat kin Yehud kin Beneberak kin Gat-Rimon kin Me-Yarkon kin Rakon kin minu mien nya di jo ttai Yope.

⁴⁷ Mpe dino ide siceu nya ikwei yai keret Dan nide bat nya ide dihyei hanjop nsi leu yok[5] leu api keret Dan nya yuug ei minu ndig Lesem ba, ibindei timek minu ndig dima leu api igyai bigyati lene ibiyai nimai bak timiei dima yahagom leu lene igyai minu ndig dima bibong ser hak. Tirigi ibong nyahan ei sirima lene inggek minu ndig Lesem ninyeng binok minu ndig Dan bu ba, noyam kin ide pung di intun him.

⁴⁸Keret Dan nide bat nya itug ndei minu ndig dima yok bitut minu mien di jo ttai nya hagom ei ide dihyei hanjop nsi di inyeng tak kep pima.

⁴⁹Tirigi mben Israel ikwas dihyei hanjop nsi nya ei minu dima tut yam bidem leu su lene ikwas dihyei nite ndia hi tut Yosua di Nun nipmot binok nide.

⁵⁰Yoni ikwas minu ndig Timnat-Serah di Yosua hara yok mem pima ei nungug him keret Efraim. Yosua win minu ndig dima hanyen leu api bong timiei eisi.

⁵¹Imam Eleazar kin Yosua kin nibou mem bibikwop Israel de keret ninsi de gom-gom ikwas dihyei hanjop nsi dima tut yam tug hon gi iko ba, ibinggok tut TUHAN ningon kanti. Yoni ibon mun dima yok hagom tirigi idem yam ei TUHAN De Prak Meng nuhui ei Silo. Gima ne nikwas dihyei hanjop nsi nyati ningwigsi ri.