Read Hatam TIMOTIUS GI NIGOM 2 Bible Online

TIMOTIUS GI NIGOM 2 - Hatam bible

TIMOTIUS GI NIGOM 2

¹Nimbie him lene ditigtai na leu binhyepo yo di mbusyamei nya ingat nadi mem tungwatu nya yahagom ba, ijem sigyo cem bak Allah.

²Ma ingat nadi mem nibou ndig nya kin yo di inyeng jei nya yahagom leu binhyepo ibindei ba, nyeni ibong kei igwam kei bingon kwes kin Allah ba, ingon kwes kin yam cem.

³Ningginausi dini kei bibor lene bindei ba, Allah di teu nye leu sisar biyai niyaijo nijep binye joi sut nye.

⁴Noni joi sut mem gima tungwatu nya yahagom igyai niteu leu sisarti kin niyaijo nijep ba, ingon dorti tut nihyet di nijit.

⁵Lewo Allah gom ngat he ba, tungwa gom ngat ya hacan mem Noni kin tungwatu nya. No dima ne Kristus Yesus,

⁶di kes ningut ei mem tungwatu nya yahagom ba, biteu yahagom leu sisar biyai niyaijo nijep biyok. Tug hon niyai munti dima lene Allah ndo bidem igbit tto bou bipia Noni joi sut yahagom igyai niteu leu sisarti kin niyaijo nijep.

⁷ Gima rino Noni cuk da nok no di ya kui Yesus leu binhyepo ditri tut Nihyet Di Kei bak ngkiai nya ba, dingginau yok tut niba ningon com Kristusti di nijit. Mun di dipai sut dini ne nijit-jau ri. Diris bi!

⁸Dijoi sut gino pinai nya bidem minu hagom iba ingon di kwes bingat nadi. Tirigi ingat nadi lene ma ingon sibui sut yam ba, iba ighyet bidahat yam cem au.

⁹ Ma sop nya igyai mun mmuti bijuk sinsun nok sop di isingat nya. Ma iku ibou di bindei tungwatu nya inga leu yok tut au. Iba mas kin sriou tiei njep bimau yok au. Ijuk sinsun di nibok kak bibor au.

¹⁰Noro ma iba ide niyai munti di kei bibor nya bimau yonti dem kep nok sop di ikuk yok bak Allah.

¹¹Ma sop nya iba ibou coi mem nibou nya di iba nihyet bingginau yok ba, yahap iji au.

¹²Dice tut gima sop nya itri nihyet ei mpe di yo di mbusyamei idem yam mem njap nigwam kep ninghuisi ba, inyeng tak kep pinai nya cem bi. Noro ma ikimut yuhui hak ug.

¹³ Lewo Allah pai tes Adam bibie leu api pai tes Hawa bram.

¹⁴ Adam di pinai rino Bilis bingon dino cut ei sisarti bi noro no di sop rino pigau Allah nicuk yokti.

¹⁵Mbro nok gima lo, gino sop hi ta nibou ei nide niba ningon com Yesus Kristusti cem ningon ngakei yo di hiter cem ningon kwes kin Allah cem yai midyai mmuti cem lene noni miyai niteu leu sisarti kin niyaijo nijep tug hon nisrek tut munggwomti.