Read Hatam YOHANES GI NININGAI 1 Bible Online

YOHANES GI NININGAI 1 - Hatam bible

YOHANES GI NININGAI 1

¹ Srat dini leu da di nibou mbusyamei ba, dipinak srat dini bak na di Gayus. Nani ne dingon kieti rin ba, dingon ngakei na.

²Handei kon ba, anghuisi kwes ba, abong kei agwam kei noyam kin gi dikan tut bipia angon kwes kei.

³Dingon llei bibor tirigi yo di ingon jo kep nya ibou poi ikwei pui bida bipia angon gom tut Allah di nijit lewo jo nibreisi bipia ayai igbit Allah ningon kanti mem na.

⁴Tirigi dimiap tut dimunggwom bat nya di igyai igbit Allah ningon kanti inghapti lene gima biyai dingon llei-llau sut dor njiriek mun nindigsi nya hagom.

⁵Disut na di dingon kieti e, dinggei sut na tut ayai munti dino abrim angkek ba, angondut asut bat yo di ingon jo kep nya kin ngkiai nya di ingon jo kep nya.

⁶Yo dima ipui sut ade ningondut yokti bak yo di mbusyamei ei minu ndig dini tu. Ma ampu yo dima tut mun di isuar mem imbutti nya. Tug hon nisinati dima ne Allah joi sut yok.

⁷Yo dima ittei yam leu binhyepo igyai kep midyai mem Kristus lo, igyai mun di bahati tut yonti leu yo di ninghim Kristus bi.

⁸Suar nye di Kresten yahati tut isut bat yo di ingon jo kep dima yok leu binhyepo ipriet kin ide midyai nitri tut Allah nihyet di nijitti.

⁹Dipas kep srat cun ningat gom bidipinak hwou ndam ade mbusyamei tu noro Diotrefes di ningon pri kep ninyeng nibou mbusyamei kou sut ditde nipingok noti.

¹⁰Gino dihwou ngat je lene midimbot kep tut niyai munti nya hagom. Lewo noni kkin kep nyeni ninghapti biris mun ei nye dip cem! Ba, ningon cut hon niyai munti nya dima he bi. Lewo noni cigit yo di Kresten kui ig bi noro cuon ser yo di ingon jo kep nya di ijoi sut icigit yok kui ig bijji yo di ingon jo kep dima yok leu mbusyamei ikieti!

¹¹Disut na di dingon kieti e, ma ayai bram yo di ibon mun tunggwei nya igyai munti nya au. Noro ma ayai bram yo di ibon mun di igbit nya igyai munti nya. Allah ninyeng tak kep no di bon kep mun di igbit. Noro no di bon mun tunggwei nya ningon dorti tut Allah bi.

¹²Tungwatu nya yahagom inggei sut Demetrius. Ba, Allah Nonti cem nggei sut noni ba, nyeni cem ninggei sut noni. Akan tut bipia bon aba angon com mun di nitri tut bina ba, nijit ri.

¹³Dipi bidipas kep srat jei bina tut mun nyeng mang bibor bu noro dikou sut gi dipas kep hagom ei srat diniti.

¹⁴Diyok dingon mem gima dihwou cem kep na leu binhyepo simbrap bit yam tut.

¹⁵Handei kon ba, Allah yai angon jo nyahan. Asut bat nindigsi nya di ingat rin ei mpia ttou nsi dini ipigo na. Disok dihyet ei na dip leu binhyepo atri tut ditde nipigo yokti bak sisut bat nya yahagom lo, tungwagom-gom sindam.