Read Hatam NINGAT-HI-NGAT NYA 15 Bible Online

NINGAT-HI-NGAT NYA 15 - Hatam bible

NINGAT-HI-NGAT NYA 15

¹Gima ngwig leu lene dingat bindo di mindur bibor gom kin bu di ttau hak ei mpia-bbed him. Malaikati nya ibou muhwindacan ikwei sut nsuwer ajar ningat muhwindacan di Allah bet ei mem ningwig honti. Nsuwer ajar dima yok bindo tut Allah nigga biborti ningwigsi.

²Leu api dingat muk ndigsi di dem kep nok kisina di pimbai kei ba, hum srigsi. Dingat yo di ibindei cut mindhe di niten-pos kin nide kwar kin yo di igyai nomor nitak bukti di ndo tut mindhe ninyeng ei ingkek dip. Yo dini idis yam ei muk nintig dip bikrau nggong mbrei di Allah yai biyok.

³ Ba, ipai doia di Allah de awak di Musa pai kin Domba Pmot de doia cem di nibimbiti pai “Allah di sindem bibor e, Ade midyai nya kei bibor kei ba, mindur bibor cem! Na di Nibou Ndig di anyeng tak kep minu nya hagom e, ayai munti nya hagom sren-srau cem igbit cem.

⁴ Tuhan e, tou rino ttin tut Nani bi i? Tou rino kou sut gima tri tut anyeng di jei bibor i? Nangkom akwes-kwau. Tungwatu dihyeisi hagom mikwei kuk yok ei amig him binggei sut Na lewo ayai munti nya di sren-srau jo nibreisi ba, yahagom ingat bou igyai him tu.”

⁵ Leu api dingat lo, dimbou kau leu Tuhan De Ig ei gwamti ba, Allah de Prak Meng joti.

⁶Leu api malaikati ibou muhwindacan di ikwei sut nsuwer ajar ningat muhwindacan dima yehei leu Tuhan De Ig. Ijuk sinsun di leu minghas linen di pwoi kei bijimjit kei lene iba bang mas bikri kep inggeda.

⁷Lene mindhe gom leu mindhe ningut bitai dima yai bokor mas ningat muhwindacan bak malaikati ibou muhwindacan dima. Bokor dini yok ut tut Allah di niyaijo kikau nigga biborti ba,

⁸ ninyeng jei bibor kin Nide nisindemti bindei ba, Nide Ig mpung tut hum mmup di ndok bibor. Bit bon tungwa hi coi ug ei Ig dima kan bi bibou nsuwer ajar ningat muhwindacan di malaikati ibou muhwindacan ikwei sut dima kes hon ug ei.