Read Hawaii Pidgin Genesis 5 Bible Online

Genesis 5 - Hawaii Pidgin bible

Genesis 5

¹Dis da genealogy, da peopo dat wen come from Adam. Da time God wen make da peopo, he make um fo be like him, jalike one copy.

²God make da peopo fo be guys an wahines. He give dem da powa so dey can do eryting he make dem fo do. Da day God wen make dem, he give um da name “Adam,” dat mean, “Peopo,” dea language.

³Adam, afta he live 130 year, he get one boy dat jalike Adam, jalike da boy one picha dat look same same. Dass da one, Adam give um da name Seth.

⁴An afta Seth wen born, Adam still live 800 year moa, an he get odda kids too, boys an girls.

⁵Adam wen live 930 year, den he mahke.

⁶Seth, afta he live 105 year, he get one boy Enosh.

⁷An afta Enosh wen born, Seth still live 807 year, an he get odda kids too, boys an girls.

⁸Seth wen live 912 year, den he mahke.

⁹Enosh, afta he live 90 year, he get one boy Kenan.

¹⁰An afta Kenan wen born, Enosh still live 815 year, an he get odda kids too, boys an girls.

¹¹Enosh wen live 905 year, den he mahke.

¹²Kenan, afta he live 70 year, he get one boy Mahalalel.

¹³An afta Mahalalel wen born, Kenan still live 840 year, an he get odda kids too, boys an girls.

¹⁴Kenan wen live 910 year, den he mahke.

¹⁵Mahalalel, afta he live 65 year, he get one boy Jared.

¹⁶An afta Jared wen born, Mahalalel still live 830 year, an he get odda kids too, boys an girls.

¹⁷Mahalalel wen live 895 year, den he mahke.

¹⁸Jared, afta he live 162 year, he get one boy Enok.

¹⁹An afta Enok wen born, Jared still live 800 year, an he get odda kids too, boys an girls.

²⁰Jared wen live 962 year, den he mahke.

²¹Enok, afta he live 65 year, he get one boy Metuselah.

²²An afta Metuselah wen born, Enok wen stay tight wit God wateva he doing, fo 300 year, an he get odda kids too, boys an girls.

²³Enoch wen live 365 year.

²⁴He stay tight wit God wateva he doing, an den, Enok disappea, cuz God take um away.

²⁵Metuselah, afta he live 187 year, he get one boy Lamek.

²⁶An afta Lamek wen born, Metuselah still live 782 year, an he get odda kids too, boys an girls.

²⁷Metuselah wen live 969 year, den he mahke.

²⁸Lamek, afta he live 182 year, he get one boy.

²⁹He give da boy da name Noah, an he tell, “Dis boy, he goin take away da sore from inside our heart. Dass how we stay now, cuz we gotta work so hard wit our hands fo get stuff outa da groun, cuz da God Yahweh wen make da land so no can grow stuff.” (Dat name “Noah,” you know, sound kinda like how da Hebrew peopo say “take away da sore.”)

³⁰An afta Noah wen born, Lamek still live 595 year, an he get odda kids too, boys an girls.

³¹Lamek wen live 777 year, den he mahke.

³²Noah, afta he live 500 year, he get three boys, Shem, Ham, an Jafet.