Read Hawaii Pidgin Ezra 2 Bible Online

Ezra 2 - Hawaii Pidgin bible

Ezra 2

¹Befo time, King Nebukadnezza army guys wen take da Jewish peopo away fo go live inside aroun Babylon town. Now dey going back Jerusalem town an da odda towns Judah side. Dis da ohana names fo all da peopo going back.

²Dea leada guys, Zerubbabel, Jeshua, Nehemiah, Seraiah, Re`elaiah, Mordecai, Bilshan, Mispat, Bigvai, Rehum, an Ba`anah. Now, da numbas fo da mens from Israel dat go back:

³From da Parosh ohana, 2,172.

⁴From da Shefataiah ohana, 372.

⁵From da Arah ohana, 775.

⁶From da Pahat-moab ohana (da ones dat get Jeshua an Joab fo dea ancestas), 2,812.

⁷From da Elam ohana, 1,254.

⁸From da Zattu ohana, 945.

⁹From da Zaccai ohana, 760.

¹⁰From da Bani ohana, 642.

¹¹From da Bebai ohana, 623

¹²From da Azgad ohana, 1,222.

¹³From da Adonikam ohana, 666.

¹⁴From da Bigvai ohana, 2,056.

¹⁵From da Adin ohana, 454.

¹⁶From da Ater ohana (da ones dat get Hezekiah fo dea ancesta), 98.

¹⁷From da Bezai ohana, 323.

¹⁸From da Jorah ohana, 112.

¹⁹From da Hashum ohana, 223.

²⁰From da Gibbar ohana, 95.

²¹Now, da mens from Betlehem town, 123.

²²From Netofah, 56.

²³From Anatot, 128.

²⁴From Bet-azmavet, 42.

²⁵From Kiriath-jearim, Kefirtah, an Be`erot, 743.

²⁶From Ramah an Geba, 621.

²⁷From Micmash, 122.

²⁸From Betel an Ai, 223.

³³From Lod, Hadid, an Ono, 725.

³⁴From Jericho, 345.

³⁵From Sena`ah, 3,630

³⁶Now, da pries guys dat come back from Babylon: From da Jedaiah ohana (da ones dat get Jeshua fo dea ancesta), 973.

³⁷From da Immer ohana, 1,052.

³⁸From da Pash-hur ohana, 1,247.

³⁹From da Harim ohana, 1,017.

⁴⁰Now, da helpa guys from da Levi ohana dat come back: From da Jeshua an Kadmie`el ohanas (dea ancesta Hodavaiah), 74.

⁴¹Music guys from da Asaf ohana, 128.

⁴²Guys who watch da temple gates from da Shallum, Ater, Talmon, Akkub, Hatita, an Shobai ohanas, 139.

⁴³Had plenny peopo go back from da odda ohanas dat work inside da temple. Da ancesta guys fo da ones dat go back: Ziha, Hasufa, Tabbaot,

⁴⁴Keros, Siaha, Padon,

⁴⁵Labanah, Hagabah, Akkub,

⁴⁶Hagab, Shalmai, Hanan,

⁴⁷Giddel, Gahar, Reaiah,

⁴⁸Rezin, Nekoda, Gazzam,

⁴⁹Uzza, Paseah, Besai,

⁵⁰Asnah, Meunim, Nefusim,

⁵¹Bakbuk, Hakufa, Harhur,

⁵²Bazlut, Mehida, Harsha,

⁵³Barkos, Sisera, Temah,

⁵⁴Nezaiah, an Hatifa.

⁵⁵Odda peopo dat go back from Babylon, dey come from da guys dat long time ago work fo King Solomon. Dea ohanas: Sotai, Soferet, Peruda,

⁵⁶Jaalah, Darkon, Giddel,

⁵⁷Shefataiah, Hattil, Pokeret-hazzabaim, an Ami.

⁵⁸An 392 odda mens come back, dat come from da ohanas dat wen work inside da temple befo time, an from da guys dat wen work fo King Solomon long time ago.

⁵⁹Had odda peopo dat go back Jerusalem town same time. Dey from da small towns Tel-melah, Tel-harsha, Kerub, Addan, an Immer. But dey no can show proof dat dey come from Israel, o dat dea ohanas come from Israel.

⁶⁰Was 652 mens dat no mo proof, from da Delaiah, Tobaiah, an Nekoda ohanas.

⁶¹Same ting happen wit three a da pries ohanas. Da Hobaiah, Hakkoz, an Barzillai ohanas wen go back Jerusalem. (Barzillai, befo time he marry one wahine dat come from Barzillai da Gilead guy, an he take her ohana name.)

⁶²Dey wen look inside da genealogy paypas, fo show wea dea ohana come from. But dey no can find dea ohana name, so da leada guys no let um do pries kine work.

⁶³Da govna guy, he no even let um eat da food from da sacrifices dat suppose to be fo da pries guys eat. He tell um, gotta wait till get one pries dat get da right fo use da Urim an Tumim fo find out from da God Yahweh wat fo do.

⁶⁴So all da peopo dat go back Judah side, was 42,360.

⁶⁵Had 7,337 worka guys an wahines, an 200 singa guys an wahines too.

⁶⁶Dey take wit um 736 horse, 245 mule,

⁶⁷435 camel, an 6,720 donkey.

⁶⁸Wen all da peopo come to Jerusalem wea da Temple Fo Yahweh stay, some a da ohana leada guys give plenny money. Dey like da leada guys use dat money fo help build one new temple fo God, right dea on top da same place wea da odda temple stay befo time, befo da Babylon army guys bus um up.

⁶⁹Ery ohana leada guy give eryting he can give. Da whole ting, was 61,000 gold coin, 6,250 pound silva, an 100 fancy robe fo da pries guys.

⁷⁰So den, da pries guys, an da helpa guys from da Levi ohana, da singa peopo, da guys dat watch da Temple gate, da worka guys fo da temple, an some a da regula peopo wen go da small towns nea Jerusalem. Da odda peopo go da towns inside da Judah land wea dey come from.