Read Hawaii Pidgin Nehemiah 7 Bible Online

Nehemiah 7 - Hawaii Pidgin bible

Nehemiah 7

¹Lata, afta da town wall pau an I put up da big doors fo da town gates, an I pick da security guards fo watch da gates, an da music guys, an da Levi ohana guys dat help da prieses,

²I put my brudda Hanani in charge a Jerusalem town, him an Hananiah dat was da officer ova da army guys inside da strong walls. I know I can trus Hananiah, an he get plenny respeck fo God, mo den plenny odda guys.

³I tell da peopo, “No open da Jerusalem town gates early. Ony open um wen da sun come hot. Shut da gates evening time, an put bars across da big doors. Make shua dat da guys dat suppose to watch da gates stay standing right dea wen you lock da gates. Pick Jerusalem peopo fo be da security guards fo da town. Put some a dem on top da spesho place fo da security guards, an put some a dem in front dea own houses.”

⁴I tell um fo do dat, cuz da town big an get plenny room, but ony get litto bit peopo live inside dea, an dey neva build houses yet.

⁵Den my God make me tink fo do one nodda ting. I tell all da ali`i guys an da govmen guys an all da odda peopo fo come togedda, so dey can write down all da ohana name. I wen awready find da ohana book wit da name fo da peopo dat wen come wit da firs ones dat come back from Babylon side, an dis wat stay write inside dea:

⁶“Dis, da peopo inside dis districk dat come back from Babylon, da ones dat King Nebukadnezzar wen take away Babylon side befo time. Dey come back Jerusalem side, cuz dey all like go live inside da town wea dea ohana come from, Jerusalem town an da odda towns inside da Judah land.

⁷“Dis da leadas dat wen come back da firs time: Zerubbabel, Jeshua, da odda Nehemiah, Azariah, Ra`amiah, Nahamani, Mordekai, Bilshan, Mispereth, Bigvai, Nehum, an Ba`anah. “Dis how much Israel peopo wen come back:

⁸Da Parosh ohana, 2,172.

⁹Da Shefatiah ohana, 372.

¹⁰Da Ara ohana, 652.

¹¹Da Pahat-Moab ohana, dat wen come from Jeshua an Joab, 2,818.

¹²Da Elam ohana, 1,254.

¹³Da Zattu ohana, 845.

¹⁴Da Zakkai ohana, 760.

¹⁵Da Binnui ohana, 648.

¹⁶Da Bebai ohana, 628.

¹⁷Da Azgad ohana, 2,322.

¹⁸Da Adonikam ohana, 667.

¹⁹Da Bigvai ohana, 2,067.

²⁰Da Adin ohana, 655.

²¹Da Ater ohana, dass from Hezekiah, 98.

²²Da Hashum ohana, 328.

²³Da Bezai ohana, 324.

²⁴Da Harif ohana, 112,

²⁵Da Gibeon ohana, 95.

²⁶From Betlehem an Netofah, 188.

²⁷From Anatot town, 128.

²⁸From Bet-azmavet, 42.

²⁹From Kiriat-Jearim, Kefirah, an Be`erot, 743.

³⁰From Ramah an Geba, 621.

³¹From Mikmas, 122.

³²From Bethel an Ai, 123.

³³From Nebo town (not Mount Nebo), 52.

³⁴Da odda Elam ohana, 1,254.

³⁵Da Harim ohana, 320.

³⁶Da Jericho ohana, 345.

³⁷Da Lod, Hadid, an Ono ohanas, 721.

³⁸Da Senaah ohana, 3,930.

³⁹“Da pries guys, get da Jediah ohana dat come from da Jeshua ohana, 973.

⁴⁰Da Immer ohana, 1,052.

⁴¹Da Pash-hur ohana, 1,247.

⁴²Da Harim ohana, 1,017.

⁴³“Da guys from da Levi ohana dat help da prieses, come from Jeshua, an afta him dey come from Hodevah, an afta him dey come from Kadmiel, 74.

⁴⁴“Da music guys dat come from Asaf ohana, 148.

⁴⁵“Da guys dat guard da Temple gates, dey come from Shallum, Ater, Talmon, Akkub, Hatita, an Shobai ohana, 138.

⁴⁶“Da guys dat work inside da Temple, dea ohanas come from Ziha, Hasufa, Tabbaot,

⁴⁷Keros, Sia, Padon,

⁴⁸Lebana, Hagaba, Shalmai,

⁴⁹Hanan, Giddel, Gahar,

⁵⁰Reaiah, Rezin, Nekoda,

⁵¹Gazzan, Uzza, Paseah,

⁵²Besai, Meunim, Nefushesim,

⁵³Bakbuk, Hakufa, Harhur,

⁵⁴Bazlit, Mehida, Harsha,

⁵⁵Barkos, Sisera, Temah,

⁵⁶Neziah, an Hatifa.

⁵⁷“Da guys dat come from da peopo dat wen work fo King Solomon befo time, dea ohanas come from Sotai, Soferet, Perida,

⁵⁸Jaala, Darkon, Giddel,

⁵⁹Shefatiah, Hattil, Pokeret-Hazzebain, an Amon.

⁶⁰All da guys dat work fo da temple, an da ones dat come from da guys dat wen work fo King Solomon, total 392 guys.”

⁶¹Odda peopo come from Tel-Melah, Tel-Assha, Kerub, Addon, an Immer towns, but dey no can show proof wat ohana dey come from, so dey donno if dey Israel peopo, o not.

⁶²Da ones dat come from da Delaiah, Tobiah, an Nekoda ohanas, 642 peopo.

⁶³Da pries guys dat no can show proof too, dey da ones dat come from Hobaiah, Hakkoz, an Barzillai. (Barzillai, he take his ohana name from da Barzillai dat live Gilead side befo time, cuz he wen marry one a da Gilead guy daughtas.)

⁶⁴Dose pries guys wen look fo dea name inside da ohana books, but dey no can find um. Az why dey no can be pries guys, cuz dey no can show proof.

⁶⁵I was da govna guy, so I tell um dat dey no can eat da food dass spesho fo God yet, dey gotta wait till get one pries dat know how fo use da Urim an da Tumim fo aks God wat fo do.

⁶⁶So erybody put togedda, had 42,360 guys total.

⁶⁷We neva count dea slave guys an slave wahines wit da Israel peopo. Had 7,337 slaves. Da music guys, had 245 a dem, guys an wahines.

⁶⁸Da peopo get 736 horse, 245 mule,

⁶⁹435 camel, an 6,720 donkey.

⁷⁰Some a da leada guys from da main ohanas wen give gifs fo help do da work. Me, da govna guy, I wen give da govmen guys who take care da money tousand gold coin, 50 gold bowl, 530 robe fo da pries guys.

⁷¹Da odda ohana leada guys wen give da govmen guys who take care da money 20,000 gold coin an 2,750 pound silva fo help do da work.

⁷²Da odda peopo give 20,000 gold coin, 2,500 pound silva, an 67 robe fo da pries guys.

⁷³Den all da Israel peopo -- da pries guys, da Levi ohana guys, da guys dat watch da town gates, da music guys, da worka guys fo da Temple, an some a da odda peopo -- dey all wen go home an live inside dea own towns. Octoba time, all da Israel peopo stay live inside dea towns now.