Read Highland Popoluca Apocalipsis 7 Bible Online

Apocalipsis 7 - Highland Popoluca bible

Apocalipsis 7

¹Jesɨc ocmɨ ánix cuatro sɨŋyucmɨpɨc pɨxiñt́am te̱ñyaj icucuatro esquina de yɨ́p naxyucmɨ. Icte̱ñ jém cuatro sa̱wa iga odoy sujóyiñ yɨ́p naxyucmɨ. D́a ixujpa ni jém lamar ni jém cuyyaj.

²Jesɨc ánix tuŋgac jém sɨŋyucmɨpɨc pɨ̱xiñ químpa jém aŋja̱mquímmɨ. Iniit́ jém sello jém vivopɨc Dios imɨɨchi. Jesɨc pɨ̱mi jɨypa jém sɨŋyucmɨpɨc pɨ̱xiñ. Ijɨ́yáy jém tuŋgac cuatro sɨŋyucmɨpɨc pɨxiñt́am jém iniit́wɨɨp jém pɨ̱mi iga imalwadáypa jém nas y jém lamar.

³Nɨmpa: —Odoy malwadaayɨ ni jém nas ni jém lamar ni jém cuyyaj hasta que tanaccámáypa jém sello iwiñpacyucmɨ jém icuyo̱xayajpáppɨc Dios.

⁴Jesɨc ammatoŋ iga accámayyajta̱ jém sello ciento cuarenta y cuatro mil pɨxiñt́am de it́u̱mpɨy jém tribu de jém Israelpɨc pɨxiñt́am.

⁵Accámayyajta̱ sello doce mil pɨxiñt́am de jém tribu de Judá, y doce mil pɨxiñt́am de jém tribu de Rubén, y doce mil pɨxiñt́am de jém tribu de Gad,

⁶y doce mil pɨxiñt́am de jém tribu de Aser, y doce mil pɨxiñt́am de jém tribu de Neftalí, y doce mil pɨxiñt́am de jém tribu de Manasés,

⁷y doce mil pɨxiñt́am de jém tribu de Simeón, y doce mil pɨxiñt́am de jém tribu de Leví, y doce mil pɨxiñt́am de jém tribu de Isacar,

⁸y doce mil pɨxiñt́am de jém tribu de Zabulón, y doce mil pɨxiñt́am de jém tribu de José y doce mil pɨxiñt́am de jém tribu de Benjamín. Jáyaŋ jém pɨxiñt́am icámneyaj jém popyoot́i

⁹Ocmɨ ánix iga aŋtuuma̱neyaj tsa̱m jáyaŋ pɨxiñt́am, d́a i̱ wɨa̱p imay. It́yaj it́u̱mpɨy clase de pɨxiñt́am, jém tuŋgac pɨxiñt́am, jém jɨyyajpáppɨc tuŋgac aŋmat́i̱mɨ y jém tuŋgac naxyucmɨpɨc. Te̱ñyaj jém trono iwiñjo̱m y jém Cordero iwiñjo̱m. Icámneyaj yagats yoot́i tsa̱m po̱po. Imatspacne icɨɨjo̱m tu̱m suyat iay.

¹⁰It́u̱mpɨy tsa̱m pɨ̱mi jɨyyajpa. Nɨmyajpa:Tacɨacputnetámum jém tanJa̱tuŋ Diosjém co̱ñwɨɨp jém tronoyucmɨcon jém Cordero.

¹¹It́u̱mpɨy jém sɨŋyucmɨpɨc pɨxiñt́am icute̱ñxe̱tneyaj jém trono. It́yajt́im jém wɨd́ayt́am y jém cuatro vivopɨc cosa. Jesɨc it́u̱mpɨy jém it́yajwɨɨp je̱m tocsneactɨŋyaj jém trono iwiñjo̱m iga ijɨ̱syajpa Dios.

¹²Nɨmyajpa it́u̱mpɨy:¡Amén! Taŋcujíptámpa tanJa̱tuŋ Dios.Tsa̱m wɨbɨc aŋjagooyi.Tannɨ́mayt́ámpa iga iyucuɨpdios.Je iniit́ it́u̱mpɨy ijɨ̱xi y it́u̱mpɨy ipɨ̱mi.Wɨa̱p iwat it́u̱mpɨy cosa.Wɨ̱ iga taŋcujíppa Dios it́u̱mpɨy jém siglos. Amén.

¹³Jesɨc tu̱m jém wɨd́ayt́am acwác. Anɨ́máy: —¿Que i̱apaap yɨ́pyaj pɨxiñt́am jém icámneyajwɨɨp jém yagatsyoot́i tsa̱m po̱po? ¿Ju̱t́ miññeyaj?

¹⁴Jesɨc ɨch annɨ́máy: —Mich iñjo̱doŋ. Jesɨc jém wɨd́a̱ya anɨ́máy: —Yɨ́pyaj pɨxiñt́am iñascayaj jém mɨjpɨc yaacha̱ji. Icheeyaj jém iyoot́i con jém Cordero iñɨɨpiñ hasta tsɨ́y tsa̱m po̱po.

¹⁵Jeeyucmɨ wɨa̱p iñúcyaj jém aŋjagooyi itrono iwiñjo̱m. Wɨa̱p icuyo̱xayaj Dios tsuucɨɨm y sɨŋñi jém sɨŋyucmɨpɨc ma̱stɨcjo̱m. Y Dios, jém co̱ññewɨɨp jém tronoyucmɨ, iyo̱xpátpa jém ipɨxiñt́am con ipɨ̱mi porque iwaganait́.

¹⁶Jesɨc d́a más yua̱yajpa ni d́am nɨ́ctɨtsyajpa ni d́am iñooba jém ja̱ma ni jém pi̱ji.

¹⁷Porque jém Cordero jém it́wɨɨp cucmɨ jém trono iwatpa cuenta jém ipɨxiñt́am. Ininɨcpa jém wɨbɨc nɨixcuy ju̱t́ putpa jém nɨ jém tachiipáppɨc vida. Jesɨc Dios icujicháyáypa it́u̱mpɨy jém iixcaŋnɨ.