Read Hiligaynon 1 Chronicles 24 Bible Online

1 Chronicles 24 - Hiligaynon bible

1 Chronicles 24

¹Ang mga Buluhaton sang mga Pari Amo ini ang mga grupo sang mga kaliwat ni Aaron: Ang mga anak nga lalaki ni Aaron amo sila ni Nadab, Abihu, Eleazar, kag Itamar.

²Pero una nga napatay si Nadab kag Abihu sang sa ila amay, kag wala sila sang mga anak; gani ang nag-alagad bilang mga pari amo si Eleazar kag si Itamar.

³Sa bulig ni Zadok nga kaliwat ni Eleazar, kag ni Ahimelec nga kaliwat ni Itamar, gin-grupo ni Haring David ang mga kaliwat ni Aaron suno sa ila katungdanan.

⁴Ang mga kaliwat ni Eleazar gintunga sa 16 ka grupo kag ang mga kaliwat ni Itamar sa 8 ka grupo, kay mas madamo ang mga pangulo sang pamilya sa mga kaliwat ni Eleazar.

⁵Ang tanan nga buluhaton ginpartida sa mga grupo paagi sa paggabot-gabot agod wala sing may pinilian. Gani may mga opisyal sang templo nga nagaalagad sa Dios halin sa mga kaliwat ni Eleazar kag sa mga kaliwat ni Itamar.

⁶Si Shemaya nga anak ni Netanel nga Levita amo ang sekretaryo. Ginlista niya ang mga ngalan sang mga pari sa atubangan sang hari kag sang mga opisyal nga sila ni Zadok nga pari, Ahimelec nga anak ni Abiatar, kag mga pangulo sang mga pamilya sang mga pari kag sang mga Levita. Naggabot-gabot sing bulos-bulos ang mga kaliwat ni Eleazar kag ni Itamar.

⁷Ang una nga nagabutan amo si Jehoyarib, ang ikaduha si Jedaya,

⁸ang ikatlo si Harim, ang ikaapat si Seorim,

⁹ang ikalima si Malkia, ang ikaanom si Miamin,

¹⁰ang ikapito si Hakoz, ang ikawalo si Abia,

¹¹ang ikasiyam si Jeshua, ang ikanapulo si Shecania,

¹²ang ika-11 si Eliashib, ang ika-12 si Jakim,

¹³ang ika-13 si Hupa, ang ika-14 si Jeshebeab,

¹⁴ang ika-15 si Bilga, ang ika-16 si Imer,

¹⁵ang ika-17 si Hezir, ang ika-18 si Hapizez,

¹⁶ang ika-19 si Petahia, ang ika-20 si Jehezkel,

¹⁷ang ika-21 si Jakin, ang ika-22 si Gamul,

¹⁸ang ika-23 si Delaya, kag ang ika-24 si Maazia.

¹⁹Ini sila naghimo sang ila mga katungdanan sa templo sang Ginoo suno sa pagsulundan nga ginhatag sang ila katigulangan nga si Aaron halin sa Ginoo, ang Dios sang Israel.

²⁰Ang mga Pangulo sang mga Pamilya sang mga Levita Amo ini ang mga pangulo sang mga pamilya sang iban pa nga mga kaliwat ni Levi: Halin sa mga kaliwat ni Amram: si Shebuel. Halin sa mga kaliwat ni Shebuel: si Jedea.

²¹Halin sa mga kaliwat ni Rehabia: si Ishia, ang pinakapangulo sang ila pamilya.

²²Halin sa mga kaliwat ni Izhar: si Shelomot. Halin sa mga kaliwat ni Shelomot: si Jahat.

²³Halin sa mga kaliwat ni Hebron: si Jeria, ang pinakapangulo sang ila pamilya, si Amaria ang ikaduha, si Jahaziel ang ikatatlo, kag si Jekameam ang ikaapat.

²⁴Halin sa mga kaliwat ni Uziel: si Micas. Halin sa mga kaliwat ni Micas: si Shamir.

²⁵Halin sa mga kaliwat ni Ishia nga utod ni Micas: si Zacarias.

²⁶Halin sa mga kaliwat ni Merari: si Mali kag si Mushi. Halin sa mga kaliwat ni Jaazia: si Beno.

²⁷Halin sa mga kaliwat ni Merari paagi kay Jaazia: si Beno, Shoham, Zacur, kag Ibri.

²⁸Halin sa mga kaliwat ni Mali: si Eleazar, nga wala sing mga anak nga lalaki.

²⁹Halin sa mga kaliwat ni Kish: si Jerameel.

³⁰Halin sa mga kaliwat ni Mushi: si Mali, Eder, kag Jerimot. Amo ini ang mga Levita suno sa ila mga pamilya.

³¹Pareho sang ginhimo sang mga kaliwat ni Aaron, naggabot-gabot man sila sa paghibalo sang ila mga katungdanan, pamatan-on man ukon tigulang. Ginhimo nila ini sa atubangan ni Haring David, Zadok, Ahimelec, kag sang mga pangulo sang mga pamilya sang mga pari kag mga Levita.