Read Hiligaynon Psalms 110 Bible Online

Psalms 110 - Hiligaynon bible

Psalms 110

¹Ang Ginoo kag ang Pinili Niya nga Hari Nagsiling ang Ginoo sa akon Ginoo, “Pungko diri sa akon tuo hasta mapaidalom ko sa imo ang imo mga kaaway.”

²Halin sa Zion, palaparon sang Ginoo ang imo ginharian, kag magagahom ka sa imo mga kaaway.

³Sa adlaw nga magpakig-away ka sa imo mga kaaway, magabulig sa imo sing kinabubut-on ang imo katawhan. Ang imo pamatan-on nga mga katawhan magakadto sa imo sa balaan nga mga bukid pareho sa tun-og sa kaagahon.

⁴Nagsumpa ang Ginoo, kag indi gid magbaylo ang iya hunahuna, nga pari ikaw sa wala sing katapusan, pareho sang pagkapari ni Melkizedek.

⁵Ang Ginoo ara sa imo tupad; pagalaglagon niya ang mga hari sa tion nga ipakita niya ang iya kaakig.

⁶Pagasilutan niya ang mga nasyon kag madamo ang iya pamatyon. Pagalaglagon niya ang mga nagadumala sa bug-os nga kalibutan.

⁷Ikaw, Mahal nga Hari, magainom sa ililigan sang tubig nga ara sa higad sang dalan, gani magabalik ang imo kusog kag magamadinalag-on ka.