Read Hiligaynon Psalms 122 Bible Online

Psalms 122 - Hiligaynon bible

Psalms 122

¹Pangamuyo Para sa Jerusalem Nagkalipay ako sang ginhambalan ako nga, “Makadto kita sa templo sang Ginoo.”

²Kag subong, ari na kami nagatindog sa mga puwertahan sang Jerusalem.

³Ang Jerusalem isa ka siyudad nga ginpatindog sing maayo kag mapag-on.

⁴Diri nagakadto ang mga tribo sang Israel sa pagdayaw sa Ginoo suno sa iya gintudlo sa ila.

⁵Diri sa Jerusalem nagahukom ang mga hari sang Israel nga kaliwat ni David.

⁶Magpangamuyo kamo para sa maayo nga kahimtangan sang Jerusalem paagi sa pagsiling, “Kabay pa nga ang nagahigugma sa sini nga siyudad magmainuswagon.

⁷Kabay pa nga malinong kag maayo ang kahimtangan sa sulod sang Jerusalem kag sa mabakod nga mga parte sini.”

⁸Para sa ikaayo sang akon mga paryente kag mga abyan, nagasiling ako, “Kabay pa nga maayo lang ang kahimtangan sang Jerusalem.”

⁹Para sa ikaayo sang templo sang Ginoo nga aton Dios, nagapangamuyo ako nga mag-uswag ang Jerusalem.