Read Hiligaynon Psalms 127 Bible Online

Psalms 127 - Hiligaynon bible

Psalms 127

¹Pagdayaw sa Kaayo sang Dios Kon wala ang bulig sang Ginoo, wala sing pulos ang pagpatindog sang balay ukon ang pagbantay sang siyudad,

²kag wala man sing pulos ang pagbugtaw sing aga pa kag ang pagtulog sing gab-i na sa pagtrabaho agod may makaon. Kay ang Ginoo amo ang nagahatag sang mga kinahanglanon sang iya mga ginahigugma, bisan pa nga nagakatulog sila.

³Ang mga anak bugay kag regalo halin sa Ginoo.

⁴Ang amay nga may mga anak nga natawo sang bataon pa siya pareho sa isa ka soldado nga may mga pana.

⁵Bulahan ang tawo nga may madamo nga mga anak, kay mabuligan siya kon mag-atubangay sila sang iya mga kaaway sa hukmanan.