Read Hiligaynon Psalms 13 Bible Online

Psalms 13 - Hiligaynon bible

Psalms 13

¹Paghandom sa Bulig sang Dios Hasta san-o pa bala, Ginoo, nga indi mo ako pagsapakon? Hasta bala sa wala sing katapusan? Hasta san-o pa bala nga magpanago ka sa akon?

²Hasta san-o pa bala nga magpalibog ako? Hasta san-o pa bala nga magpangasubo permi ang akon tagipusuon? Kag hasta san-o pa bala nga pierdihon ako sang akon mga kaaway?

³Talupangda man ako, Ginoo nga akon Dios; sabta ang akon pangamuyo. Ibalik ang akon kusog agod indi ako mapatay,

⁴kag agod indi makasiling ang akon mga kaaway nga napierdi nila ako. Kay magakalipay gid sila kon malaglag ako.

⁵Ginoo, nagasalig ako sa imo paghigugma sa akon. Kag magakalipay gid ako tungod kay luwason mo ako.

⁶Kantahan ko ikaw, Ginoo, tungod kay halin pa sadto maayo ka sa akon.