Read Hiligaynon Psalms 15 Bible Online

Psalms 15 - Hiligaynon bible

Psalms 15

¹Ang Gusto sang Dios sa Iya mga Manugsimba Ginoo, sin-o bala ang puwede nga makatiner sa imo templo? Sin-o bala ang puwede nga makapabilin sa imo balaan nga bukid?

²Ang sabat sang Ginoo, “Ang tawo nga nagakabuhi nga wala sing kasawayan kag nagahimo sing matarong. Nagahambal siya sing matuod kag sinsero.

³Wala siya nagabutang-butang sa iban, kag wala siya nagahimo ukon nagahambal sing malain sa iya isigkatawo.

⁴Ginapakawalay pulos niya ang mga tawo nga akon ginasikway pero ginapadunggan niya ang mga nagatahod sa akon. Ginatuman gid niya ang iya promisa bisan ano kabudlay para sa iya.

⁵Nagapautang siya nga wala sing saka, kag wala siya nagabaton sang lagay agod magsaksi batok sa wala sing sala.” Ang tawo nga nagahimo sini mangin malig-on ang iya kahimtangan hasta san-o.