Read Hiligaynon Psalms 2 Bible Online

Psalms 2 - Hiligaynon bible

Psalms 2

¹Ang Hari nga Ginpili sang Dios Ngaa bala nagaplano sing malain ang mga nasyon? Ngaa bala nagaplano ang mga katawhan sang wala sing pulos?

²Ang mga hari kag mga pangulo sa kalibutan nagtilipon kag nagpreparar sa pagpakig-away batok sa Ginoo kag sa hari nga iya ginpili.

³Nagasiling sila, “Indi kita magpadumala ukon magpasakop sa ila.”

⁴Pero ginakadlawan lang sila sang Ginoo nga nagapungko sa iya trono didto sa langit.

⁵Sa iya kaakig, ginapaandaman niya sila kag nagakahadlok sila.

⁶Nagsiling siya, “Ginbutang ko na sa Zion, sa akon balaan nga bukid, ang hari nga akon ginpili.”

⁷Nagsiling ang hari nga ginpili sang Dios, “Ipahayag ko ang ginsiling sa akon sang Ginoo nga, ‘Ikaw ang akon anak, kag subong ipakilala ko nga ako ang imo amay.

⁸Pangabaya ako nga ihatag ko sa imo ang mga nasyon hasta sa pinakamalayo nga parte sang kalibutan agod imo panag-iyahan, kag himuon ko ina.

⁹Dumalahan mo sila, kag wala gid sing may makakontra sa imo pagdumala. Mangin pareho lang sila sa kolon nga imo pagadugmukon.’”

¹⁰Gani, kamo nga mga hari kag mga manugdumala sa kalibutan, intiendiha ninyo ini nga mga pulong, kag pamatii ninyo ang mga paandam batok sa inyo.

¹¹Alagara ninyo ang Ginoo nga may pagtahod kag magkalipay kamo sa iya.

¹²Tahura ninyo ang hari nga iya ginpili, kay kon indi gani, maakig siya gilayon kag laglagon niya kamo. Bulahan ang tagsa ka tawo nga nagapangayo sang proteksyon sa Ginoo