Read Hiligaynon Psalms 20 Bible Online

Psalms 20 - Hiligaynon bible

Psalms 20

¹Pangamuyo Para sa Kadalag-an Kabay pa nga sabton ka sang Ginoo kon ara ka sa kalisod. Kabay pa nga protektaran ka sang Dios ni Jacob.

²Kabay pa nga buligan niya ikaw halin sa templo didto sa Zion.

³Kabay pa nga batunon niya ang imo mga halad, pareho sang halad nga ginasunog.

⁴Kabay pa nga ihatag niya ang imo ginahandom, kag mangin madinalag-on ka sa imo mga plano.

⁵Magahinugyaw kami sa imo pagdaog kag magaselebrar nga nagadayaw sa aton Dios. Kabay pa nga ihatag sang Ginoo ang tanan mo nga ginapangayo.

⁶Karon nahibaluan ko nga ginapadaog sang Ginoo ang iya pinili nga hari. Ginasabat niya ang iya pangamuyo didto sa iya balaan nga langit, kag permi niya siya ginapadaog paagi sa iya gahom.

⁷Ang iban nagasalig sa ila mga karwahe kag ang iban sa ila mga kabayo, pero kami iya nagasalig sa Ginoo nga amon Dios.

⁸Ina nga mga tawo malaglag, pero kami iya magadaog kag magapabilin nga malig-on.

⁹Padauga ang imo pinili nga hari, Ginoo, kag sabta kami kon magpanawag kami sa imo.