Read Hiligaynon Psalms 28 Bible Online

Psalms 28 - Hiligaynon bible

Psalms 28

¹Pangamuyo para sa Bulig sang Dios Ginoo, nga akon palalipdan nga bato, nagapanawag ako sa imo. Pamatii ang akon pangamuyo! Kay kon indi ka magpamati mangin pareho ako sa mga nagkalamatay na.

²Pamatii ang akon pagpakitluoy sa pagpangayo sang bulig sa imo, samtang nagaatubang ako sa imo balaan nga templo nga nagabayaw sang akon mga kamot.

³Indi ako pagsiluti upod sa mga malaot. Nagapakuno-kuno sila nga mga abyan sila, pero gali nagaplano sila sing malain.

⁴Balusi sila suno sa ila mga binuhatan. Siluti sila sa ila malaot nga mga ginahimo.

⁵Kay ginabaliwala nila ang imo mga ginahimo. Gani laglagon mo sila kag pabay-an sa sina nga kahimtangan.

⁶Dalayawon ka, Ginoo, kay ginpamatian mo ang akon pagpakitluoy sa imo.

⁷Ikaw ang nagahatag sa akon sang kusog kag nagaprotektar sa akon. Nagasalig ako sa imo kag ginabuligan mo ako. Gani nagakalipay gid ako kag nagakanta sang pagpasalamat sa imo.

⁸Ikaw, Ginoo, ang nagahatag sang kusog sa imo katawhan. Ikaw ang mabakod nga dalangpan kag manluluwas sang imo pinili.

⁹Luwasa kag pakamaayuha ang katawhan nga imo ginapanag-iyahan. Bantayi sila pareho sa manugbantay sang karnero; atipana sila sa wala sing katapusan.