Read Hiligaynon Psalms 29 Bible Online

Psalms 29 - Hiligaynon bible

Psalms 29

¹Ang Gamhanan nga Tingog sang Dios Dayawa ninyo ang Ginoo, kamo nga langitnon nga mga tinuga. Dayawa ninyo ang iya gahom kag kusog.

²Dayawa ninyo ang iya pagkagamhanan. Simbaha ninyo siya sa iya balaan nga presensya.

³Nagadaguob ang tingog sang Ginoo, ang gamhanan nga Dios, kag mabatian ini sa kadagatan.

⁴Ang iya tingog gamhanan kag halangdon,

⁵kag makabali sang mabakod nga kahoy sang Lebanon.

⁶Ginatay-og sang Ginoo ang mga bukid sang Lebanon kag ang bukid sang Hermon, kag daw pareho ini sang tinday nga baka nga nagatumbo.

⁷Ang tingog sang Ginoo nagapakilat kag

⁸nagapatay-og sang kamingawan, bisan pa ang kamingawan sang Kadesh.

⁹Ang tingog sang Ginoo nagapabata sang usa kag nagapataktak sang mga dahon sang kahoy. Kag sa iya templo nagasinggit ang tanan, “Gamhanan ang Dios!”

¹⁰Ang Ginoo nagagahom sa mga baha. Nagagahom siya bilang hari sa wala sing katapusan.

¹¹Ginapabaskog sang Ginoo ang iya katawhan kag ginahatagan sang maayo nga kahimtangan.