Read Hiligaynon Psalms 47 Bible Online

Psalms 47 - Hiligaynon bible

Psalms 47

¹Ang Dios ang Hari sa Bug-os nga Kalibutan Tanan nga mga nasyon, magpalakpak kamo kag maghinugyaw sa Ginoo tungod sa kalipay.

²Daw ano ka talahuron ang Ginoo, ang Labing Mataas nga Dios. Gamhanan siya nga hari sa bug-os nga kalibutan.

³Ginapasakop niya sa amon nga mga Israelinhon ang mga nasyon.

⁴Ginpili niya para sa amon ang duta nga amon panublion, nga ginpabugal sang iya hinigugma nga si Jacob.

⁵Ang Dios nagapasaka sa iya trono samtang nagahinugyaw ang mga tawo sa kalipay kag nagatunog ang mga budyong.

⁶Magkanta kamo sang mga pagdayaw sa Dios. Magkanta kamo sang mga pagdayaw sa aton hari.

⁷Kay ang Dios amo ang hari sang bug-os nga kalibutan. Dayawa ninyo siya paagi sa mga kanta.

⁸Nagapungko siya sa iya balaan nga trono nga nagagahom sa mga nasyon.

⁹Nagatipon ang mga pangulo sang mga nasyon upod sa katawhan sang Dios ni Abraham. Kay ang mga pangulo sa kalibutan iya sang Dios. Dalayawon gid siya.