Read Hiligaynon Psalms 6 Bible Online

Psalms 6 - Hiligaynon bible

Psalms 6

¹Pangamuyo para sa Bulig sang Dios Ginoo, bisan naakig ka sa akon, indi ako pagsiluti.

²Kaluoyi ako kag ayuha, kay puwerte na sa akon kaluya.

³Natublag na gid ako, Ginoo. San-o mo pa bala ako ayuhon?

⁴Talupangda man ako, Ginoo, kag hilwaya. Tungod sang imo gugma sa akon, luwasa ako sa kamatayon.

⁵Kay kon mapatay ako indi na ako makadumdom sa imo; indi na ako makadayaw sa imo sa lugar sang mga patay.

⁶Kapoy na ako sa sobra nga pag-ugayong. Kada gab-i basa ang akon ulunan sang luha.

⁷Nagapalamarok ang akon mga mata sa hibi tungod sang ginhimo sang tanan ko nga kaaway.

⁸Palayo kamo sa akon, kamo nga nagahimo sang kalautan, tungod kay nabatian sang Ginoo ang akon mga paghibi.

⁹Nabatian niya ang akon pagpangayo sang bulig. Kag sabton niya ang akon pangamuyo.

¹⁰Mahuy-an kag mahadlok gid ang tanan ko nga kaaway. Gulpi lang sila magpalalagyo sa kahuya.