Read Hiligaynon Psalms 67 Bible Online

Psalms 67 - Hiligaynon bible

Psalms 67

¹Kanta sa Pagpasalamat O Dios, kaluoyi kag pakamaayuha kami. Ipakita sa amon ang imo kaayo

²agod mahibaluan sang tanan nga nasyon sa kalibutan ang imo pamaagi kag kaluwasan.

³Kabay pa nga dayawon ka sang tanan nga katawhan, O Dios.

⁴Kabay pa nga magkinasadya kag magkinanta sa kalipay ang tanan nga katawhan sa kalibutan tungod kay matarong ang imo paghukom sa ila kag ginatuytuyan mo sila.

⁵Kabay pa nga dayawon ka sang tanan nga katawhan, O Dios.

⁶Kabay pa nga magapatubas ang duta. Kabay pa nga pakamaayuhon kita sang aton Dios. Kag kabay pa nga ang tanan nga tawo sa bug-os nga kalibutan magatahod sa iya.