Read Hiligaynon Psalms 8 Bible Online

Psalms 8 - Hiligaynon bible

Psalms 8

¹Daw Ano Kahalangdon ang Dios sa Bug-os nga Kalibutan Ginoo nga amon Agalon, daw ano ka kahalangdon sa bug-os nga kalibutan! Ang pagdayaw sa imo sang mga tawo mabatian mo dira sa langit.

²Bisan gani ang magagmay nga mga bata gintudluan mo nga magdayaw sa imo, agod mahuy-an ang imo mga kaaway nga amo ang mga nagakontra kag nagabalos sa akon.

³Kon magtan-aw ako sa langit nga imo ginhimo, kag makita ko ang bulan kag ang mga bituon nga imo ginbutang sa ila nahamtangan,

⁴nagapamangkot ako kon ano gid bala ang tawo nga ginadumdom mo gid. Ahaw tawo man lang siya, ngaa ginakabalak-an mo gid?

⁵Ginhimo mo siya nga mas manubo sang sa mga anghel, pero ginpadunggan mo siya pareho sa hari.

⁶Ginhimo mo siya nga manugdumala sang imo mga tinuga; ginpasakop mo sa iya ini tanan nga butang,

⁷lakip na diri ang tanan nga sapat: ang nagalakat,

⁸ang nagalupad, kag ang nagalangoy.

⁹Ginoo nga amon Agalon, daw ano ka kahalangdon sa bug-os nga kalibutan!