Read Hiligaynon Psalms 82 Bible Online

Psalms 82 - Hiligaynon bible

Psalms 82

¹Ang Dios Labaw sa Tanan nga Manugdumala Nagahukom ang Dios sa pagtilipon sa langit. Samtang nagatipon ang mga dios ginahukman niya sila.

²Siling niya, “Hasta san-o pa bala kamo maghukom sang indi matarong? Hasta san-o pa bala ninyo paboran ang mga malaot?

³Hatagi ninyo sang hustisya ang mga wala sing ikasarang kag mga ilo. Depensahi ninyo ang kinamatarong sang ginapigos nga mga kubos.

⁴Luwasa ang mga wala sing ikasarang kag ang mga imol sa gahom sang malaot nga mga tawo!

⁵“Wala kamo sing inalung-ong! Wala kamo sing naintiendihan! Nagakabuhi kamo sa kadulom, amo gani nga wala na sing kahusayan sa kalibutan.

⁶Ako, ang Labing Mataas nga Dios, nagsiling sa inyo nga mga dios kamo kag tanan kamo mga anak ko.

⁷Pero mapatay kamo pareho sa tawo. Madula ang inyo kabuhi pareho sa bisan sin-o nga pangulo sa kalibutan.”

⁸Sige na, O Dios, hukmi ang tanan nga nasyon sa kalibutan, kay imo sila.