Read Hiligaynon Psalms 87 Bible Online

Psalms 87 - Hiligaynon bible

Psalms 87

¹Pagdayaw sa Jerusalem Gintukod sang Dios ang siyudad sang Zion sa balaan nga mga bukid. Ginahigugma niya ini nga siyudad labaw sa tanan nga lugar sa Israel.

³Maayo nga mga butang ang iya ginahambal parte sa sining iya siyudad.

⁴Siling niya, “Kon listahon ko ang mga nasyon nga nagakilala sa akon, ilakip ko ang Egipto kag ang Babilonia, pati man ang Filistia, Tyre, kag Etiopia. Kabigon ko ang ila mga katawhan nga mga tumandok sang Zion.”

⁵Matuod nga isiling ini parte sa Zion, nga madamo nga mga katawhan ang kabigon nga iya mga tumandok. Kag ang Labing Mataas nga Dios mismo amo ang magalig-on sang sini nga siyudad.

⁶Listahon sang Ginoo ang iya mga katawhan kag ilakip niya ang mga katawhan nga kabigon niya nga mga tumandok sang Zion.

⁷Sila tanan magasaot kag magakanta sang, “Nagahalin sa Zion ang tanan ta nga pagpakamaayo!”