Read Hiligaynon Psalms 95 Bible Online

Psalms 95 - Hiligaynon bible

Psalms 95

¹Kanta sa Pagdayaw Dali, magkanta kita sa kalipay kag maghinugyaw kita sa Ginoo, ang palalipdan nga bato nga nagaluwas sa aton.

²Magpalapit kita sa iya nga may pagpasalamat, kag maghinugyaw kita nga nagakanta sang mga pagdayaw sa iya.

³Kay ang Ginoo gamhanan nga Dios. Gamhanan siya nga hari kag labaw sa tanan nga dios.

⁴Siya ang nagapanag-iya sang mga kadadalman sang kalibutan kag sang mga putokputokan sang mga bukid.

⁵Siya man ang nagapanag-iya sang dagat kag sang duta nga iya ginpanghimo.

⁶Dali, magluhod kita sa pagsimba sa Ginoo nga naghimo sa aton.

⁷Kay siya ang aton Dios, kag kita ang iya katawhan nga iya ginabantayan kag ginaatipan pareho sa mga karnero. Kon mabatian ninyo subong ang tingog sang Dios,

⁸indi pagpatig-aha ang inyo mga tagipusuon pareho sang ginhimo sang inyo mga katigulangan sang una didto sa Meriba, subong man sang didto sila sa Masa sa may kamingawan.

⁹Nagsiling ang Dios, “Didto gintilawan nila ako bisan nakita na nila ang akon ginhimo sa ila.

¹⁰Sa sulod sang 40 ka tuig naakig gid ako sa sina nga henerasyon. Kag nagsiling ako nga katawhan sila nga nagatalang kag wala nagasunod sa akon mga ginatudlo sa ila.

¹¹Gani sa akon kaakig nagpanumpa ako nga indi gid nila mabaton ang kapahuwayan nga halin sa akon.”