Read Hiligaynon Psalms 98 Bible Online

Psalms 98 - Hiligaynon bible

Psalms 98

¹Dayawa ang Dios nga Manughukom Magkanta kita sang bag-o nga kanta sa Ginoo, kay naghimo siya sang makatilingala nga mga butang! Paagi sa iya kaugalingon nga gahom kag kusog napierdi niya ang aton mga kaaway.

²Ginpakita sang Ginoo sa mga nasyon nga ginbuligan niya kita kag ginpadaog.

³Wala niya ginkalimtan ang iya gugma kag katutom sa aton nga katawhan sang Israel. Nakita sang tanan nga tawo sa bug-os nga kalibutan kon paano kita ginpadaog sang aton Dios.

⁴Kamo nga mga katawhan sa bug-os nga kalibutan, maghinugyaw kamo sa Ginoo tungod sa kalipay. Magkanta kamo sing malipayon sa pagdayaw sa iya.

⁵Magkanta kamo sang mga pagdayaw sa Ginoo nga ginatukaran sang mga arpa, mga trumpeta, kag mga budyong. Kag maghinugyaw kamo sa kalipay sa presensya sang Ginoo nga aton Hari.

⁷Magkalipay ang kalibutan kag ang tanan nga nagapuyo sa iya, pati na ang dagat kag ang tanan nga ara sa iya.

⁸Magpalakpak ang mga suba kag magdulungan kanta sa kalipay ang mga bukid.

⁹Magkalipay sila sa presensya sang Ginoo kay magaabot siya sa paghukom sa mga tawo sa kalibutan. Pagahukman niya sila sing husto, nga wala siya sing may pinilian.