Read Hiligaynon Numbers 1 Bible Online

Numbers 1 - Hiligaynon bible

Numbers 1

¹Ang Nahauna nga Pagsensos sang Israel Sang nahauna nga adlaw, sang ikaduha nga bulan, sang ikaduha nga tuig halin sang pagguwa sang mga Israelinhon sa Egipto, nagsiling ang Ginoo kay Moises sa Tolda nga Ginapakigkitaan didto sa kamingawan sang Sinai. Siling niya,

²“Isensos ninyo ang bug-os nga katilingban sang Israel suno sa ila mga paryente kag pamilya. Ilista ninyo ang mga ngalan sang tanan nga lalaki

³nga nagaedad sing 20 ka tuig paibabaw nga puwede magsoldado. Kamo ni Aaron ang magdumala sa pagsensos.

⁴Magabulig sa inyo ang pangulo sang kada tribo.”

⁵Amo ini sila ang magabulig sa inyo: Tribo Pangulo Reuben Elizur nga anak ni Shedeur Simeon Shelumiel nga anak ni Zurishadai Juda Nashon nga anak ni Aminadab Isacar Netanel nga anak ni Zuar Zebulun Eliab nga anak ni Helon Efraim nga anak ni Jose Elishama nga anak ni Amihud Manase nga anak ni Jose Gamaliel nga anak ni Pedazur Benjamin Abidan nga anak ni Gideoni Dan Ahiezer nga anak ni Amishadai Asher Pagiel nga anak ni Ocran Gad Eliasaf nga anak ni Deuel Naftali Ahira nga anak ni Enan

¹⁶Amo ato sila ang mga pangulo sang mga tribo nga ginpili halin sa katilingban sang Israel.

¹⁷Ginpatipon ni Moises kag ni Aaron kaupod sang sini nga mga pangulo ang bug-os nga katilingban sadto mismo nga adlaw. Ginlista nila ang tanan nga lalaki nga nagaedad sing 20 ka tuig paibabaw, suno sa ila mga paryente kag pamilya.

¹⁹Ginlista sila ni Moises didto sa kamingawan sang Sinai, suno sa ginsugo sa iya sang Ginoo.

²⁰Amo ini ang kadamuon sang mga lalaki nga nagaedad 20 ka tuig paibabaw nga puwede magsoldado, nga nalista suno sa ila tribo kag pamilya: Tribo Kadamuon Reuben (ang kamagulangan ni Jacob) 46,500 Simeon 59,300 Gad 45,650 Juda 74,600 Isacar 54,400 Zebulun 57,400 Efraim nga anak ni Jose 40,500 Manase nga anak ni Jose 32,200 Benjamin 35,400 Dan 62,700 Asher 41,500 Naftali 53,400

²¹Amo ato ang mga lalaki nga gin-isip ni Moises kag ni Aaron kag sang dose ka pangulo sang Israel. Ang kada isa sa ila nagarepresentar sang iya pamilya, kag nagaedad sila sing 20 ka tuig paibabaw kag puwede magsoldado.

²²Ang kabug-usan nga kadamuon nila, 603,550 tanan.

²³Pero wala malakip diri ang mga kaliwat ni Levi.

²⁴Kay nagsiling ang Ginoo kay Moises,

²⁵“Indi pag-ilakip ang tribo ni Levi sa pagsensos upod sa iban nga mga Israelinhon nga magaserbisyo sa tion sang inaway.

²⁶Sa baylo, ihatag sa ila ang responsibilidad sa pagdumala sang Tolda nga Simbahan nga sa diin nabutang ang Kasuguan, kag sang tanan nga kagamitan sini. Sila ang magdala sang Tolda kag sang tanan nga kagamitan sini, kag kinahanglan nga atipanon nila ini kag magkampo sila sa palibot sini.

²⁷Kon sayluhon na gani ang Tolda, sila ang maghimos sini, kag kon patindugon naman ini, sila man gihapon ang magpatindog sini. Ang bisan sin-o nga maghimo sang sini nga mga buluhaton sa Tolda, nga indi kaliwat ni Levi, pagapatyon.

²⁸Magakampo ang mga Israelinhon suno sa ila tribo, kag ang kada tribo may bandera.

²⁹Pero ang mga kaliwat ni Levi magakampo sa palibot sang Tolda nga sa diin nabutang ang Kasuguan, agod indi ako maakig sa katilingban sang Israel. Ang mga kaliwat ni Levi amo ang responsable sa pag-atipan sa Tolda.”

³⁰Ginhimo ini tanan sang mga Israelinhon suno sa ginsugo sang Ginoo kay Moises.