Read Hiligaynon Joshua 12 Bible Online

Joshua 12 - Hiligaynon bible

Joshua 12

¹Ang mga Hari nga Napierdi sa Sidlangan sang Jordan Nasakop na sang mga Israelinhon ang mga duta sa sidlangan sang Jordan, halin sa Arnon nga ililigan sang tubig hasta sa Bukid sang Hermon, lakip na diri ang duta sa sidlangan sang Kapatagan sang Jordan. Amo ini ang mga hari sa sadto nga mga lugar nga ginpierdi sang mga Israelinhon: Si Sihon nga Amornon nga nagaestar sa Heshbon. Sakop sang iya ginharian ang katunga sang Gilead. Ini halin sa Aroer sa higad sang Arnon nga ililigan sang tubig, kag halin sa tunga sini hasta sa Jabok nga ililigan sang tubig, ang dulunan sang mga Ammonhon.

³Sakop man niya ang sidlangan sang Kapatagan sang Jordan, halin sa Dagat sang Galilea hasta sa Bet Jeshimot, sa sidlangan sang Patay nga Dagat, kag hasta pa gid sa bagatnan sa ubos sang Bukid sang Pisga.

⁴Ang ikaduha amo si Og, ang hari sa Bashan. Isa siya sa mga nabilin nga Refaimnon. Nag-estar siya sa Ashtarot kag sa Edrei.

⁵Ang sakop sang iya ginharian amo ang Bukid sang Hermon, Saleca, ang bug-os nga Bashan hasta sa dulunan sang Geshur kag Maacat, kag ang katunga sang Gilead, hasta sa dulunan sang Heshbon nga ang hari amo si Sihon.

⁶Gindaog sila ni Moises, nga alagad sang Ginoo, kag sang mga Israelinhon. Ginhatag ni Moises ang ila duta sa tribo ni Reuben, ni Gad, kag sa katunga sang tribo ni Manase bilang ila palanublion.

⁷Ang mga Hari nga Napierdi sa Nakatundan sang Jordan Nasakop man ni Josue kag sang mga Israelinhon ang mga duta sa nakatundan sang Jordan, halin sa Baal Gad sa Patag sang Lebanon hasta sa Bukid sang Halak nga pataklad sa Seir. Ginhatag ni Josue ini nga mga duta sa mga Israelinhon bilang ila palanublion. Ginpartida niya ini suno sa ila tribo. Ini nga mga duta amo ang mga kabukiran, ang mga bulobukid sa nakatundan, ang Kapatagan sang Jordan, ang ubos sang mga kabukiran, ang desierto sa bagatnan, kag ang Negev. Ginaestaran anay ini sang mga Hithanon, Amornon, Canaanhon, Periznon, Hivhanon, kag mga Jebusnon. Amo ini ang mga hari sa sadto nga mga lugar nga ginpierdi ni Josue kag sang mga Israelinhon:

⁹ang hari sang Jerico ang hari sang Ai (malapit sa Betel)

¹⁰ang hari sang Jerusalem ang hari sang Hebron

¹¹ang hari sang Jarmut ang hari sang Lakish

¹²ang hari sang Eglon ang hari sang Gezer

¹³ang hari sang Debir ang hari sang Geder

¹⁴ang hari sang Horma ang hari sang Arad

¹⁵ang hari sang Libna ang hari sang Adulam

¹⁶ang hari sang Makeda ang hari sang Betel

¹⁷ang hari sang Tapua ang hari sang Hefer

¹⁸ang hari sang Afek ang hari sang Lasharon

¹⁹ang hari sang Madon ang hari sang Hazor

²⁰ang hari sang Shimron Meron ang hari sang Acshaf

²¹ang hari sang Taanac ang hari sang Megido

²²ang hari sang Kedesh ang hari sang Jokneam (sa Carmel)

²³ang hari sang Dor (sa Nafot Dor) ang hari sang Goim (sa Gilgal)

²⁴ang hari sang Tirza. 31 tanan ka hari.