Read Hindi, Fiji 1 Kurinth 8 Bible Online

1 Kurinth 8 - Hindi, Fiji bible

1 Kurinth 8

¹Tum aapan chiṭṭhi meñ muurti pe chaṛhaawal khaana ke baare meñ puuchha raha. Ham log sab iske baare meñ kuchh janta hei. Lekin gyaan (naolej) hamme ghamanḍi banaay de hei, jahañ pe prem aage baṛhaay hei.

²Asal meñ, jon log soche hei ki ulog bahut jaane hei, to ulog kuchh nai jaane hei.

³Lekin Parmeshwar jaane hei ki usse kon prem kare hei.

⁴Muurti pe khaana chaṛhaawa jaay hei, lekin ham log janta hei ki dunia ke koi bhi muurti jinda nai hei. Aur Parmeshwar to khali ek hei.

⁵Bahut se cheej ke swarag aur dharti pe Parmeshwar aur Prabhu bola jaay hei, lekin usman se koi bhi Parmeshwar aur Prabhu nai hei.

⁶Ham log ke lage khali ek Parmeshwar hei, aur u Pita hei. Wahi sab cheej banaais raha, aur ham wahi ke waaste jeeta hei. Yeeshu Maseeh hee khali hamaar Prabhu hei. Sab kuchh wahi banaais raha, aur wahi hamme jeewan dees raha.

⁷Sab koi i cheej nai jaane hei. Asal meñ bahut log i biswaas se jiye hei ki, muurti meñ jiu hei. To jab ulog u khaana khaawe hei jon muurti pe chaṛhaawal rahe hei, tab ulog ke dil meñ ḍaauṭ rahe hei.

⁸Lekin khaana hame Parmeshwar ke kareeb nai laay hei. Agar ham nai khaai to kuchh parwaah nai hei, aur agar ham log khaai to usman kuchh achchha bhi nai.

⁹Jon kamjor hei, uske khaatir problam nai khaṛa karo, khali iske khaatir ki tum kuchh bhi khaay sakta hei.

¹⁰Tum i sab janta hei, yahi khaatir tumme parwaah nai hei ki tum muurti waala Mandir meñ khaata hei. Lekin maan leo ki ek kamjor admi tumme dekhe hei aur tay kare hei ki muurti pe chaṛhaawal khaana khaay ke hei.

¹¹Tab tum jon kuchh bhi janta hei, u sab uske waaste naas hoy jaay hei, jon ke waaste Krisṭ maris raha.

¹²Jab tum uske sañghe paap karta hei jon kamjor bichaar ke hei, tab tum Krisṭ ke agaiñsṭ paap karta hei.

¹³To agar jon ham khaata hei, Prabhu ke ek biswaasi ke dukh pahuñchaai, to ham kabhi gos nai khaayga jab tak ham jinda rahega.