Read Hindi, Fiji 1 Yuhanna 1 Bible Online

1 Yuhanna 1 - Hindi, Fiji bible

1 Yuhanna 1

¹U vachan jon jeewan dewe hei suru se raha, aur yahi hei jon sandes ke baare meñ hei. Ham log ke kaan sunis hei, ham log ke aañkhi dekhis hei, aur ham log ke haath i vachan ke chhuis hei.

²Jon jindagi dewe hei, u dekhaais! Ham log u hote dekha, aur ham log iske gawaahi hei ki ham log kon cheej dekha raha. Ab ham log tumme i anant jeewan ke baare meñ bataata hei, jon Pita ke sañghe raha aur ab ham log ke saamne aais hei.

³Ham log tumme wahi bataata hei jon ham log dekha aur suna hei, ki jisse tum log yahi laaif meñ ham log ke sañghe baaṭo. Aur ham log Pita aur uske laṛka Yeeshu Maseeh ke sañghe baaṭta hei.

⁴Ham log likhta hei ki tumme bataay saki, kaahe ke i hamme bahut khusi de hei.

⁵Yeeshu ham log ke bataais raha ki Parmeshwar roshni hei aur usman kuchh bhi añdhera nai hei. Ab ham log tumme wahi bataata hei.

⁶Agar ham log boli ki ham log Parmeshwar ke sañghe aapan jeewan bitaata hei aur añdhera meñ rahta hei, to ham log jhuuṭ bolta hei aur sachchaai se nai rahta hei.

⁷Lekin agar ham roshni meñ rahta hei, jeise Parmeshwar rahe hei, tab ham log ek dusra se laaif sheya karta hei. Aur uske Putr Yeeshu ke khuun, ham log ke sab paap dhoy de hei.

⁸Agar ham log bolega ki ham log paap nai kara hei, ham log apne aap ke beokuuf banaata hei, aur i sachchaai ham log ke dil meñ nai hei.

⁹Lekin agar ham Parmeshwar ke aage aapan paap ke maan lei, to uspe ham puura bharosa kare sakta hei ki u ham log ke maaf kar dei aur ham log ke paap nikaar dei.

¹⁰Agar ham log boli ki ham log paap nai kara hei, to ham log Parmeshwar ke jhuuṭa banaata hei, aur uske sandes ham log ke dil meñ nai hei.