Read Hmar INṬANNA 5 Bible Online

INṬANNA 5 - Hmar bible

INṬANNA 5

¹Hi hi Adam thlahai chuongna lekhabu chu a nih. Pathienin mihriem a siem khan Ama angpuiin anni chu a siem a;

²anni chu nuhmei le pasalah a siem a nih, siema an um ni khan mal a sâwm a, an hming dingin “Mihriem,” ân bûk a.

³Adam chun kum za le sâwmthum a niin, ama angtak, ama angpui ngei naupasal a nei a; a hmingah Seth a sak a;

⁴chun, Seth a nei hnung chun Adam chu kum za riet a la dam a; naunuhmei le naupasalhai a nei nâwk a.

⁵Chuongchun, Adam dam sûng po chu kum za kuo le sâwmthum a nih; chun, a thi ta a.

⁶Chun, Seth chun kum za le panga a niin naupasal Enos a nei a;

⁷chun, Enos a nei hnung chun Seth chu kum za riet le pasari a la dam a, naunuhmei le naupasalhai a nei nâwk a.

⁸Chuongchun, Seth dam sûng po chu kum za kuo le sâwmpahni a nih; chun, a thi ta a.

⁹Chun, Enos chun kum sâwmkuo a niin naupasal Kenan a nei a;

¹⁰Kenan a nei hnung chun Enos chu kum za riet le sâwmpanga a la dam a, naunuhmei le naupasalhai a nei nâwk a;

¹¹chuongchun, Enos dam sûng po chu kum za kuo le panga a nih; chun, a thi ta a.

¹²Chun, Kenan chu kum sâwmsari a niin naupasal Mahalalel a nei a;

¹³Mahalalel a nei hnung chun Kenan chu kum za riet le sâwmli a la dam a, naunuhmei le naupasalhai a nei nâwk a;

¹⁴chuongchun, Kenan dam sûng po chu kum za kuo le sâwm a na; chun, a thi ta a.

¹⁵Chun, Mahalalel chun kum sâwmruk le panga a niin naupasal Jared a nei a;

¹⁶Jared a nei hnung chun Mahalalel chu kum za riet le sâwmthum a la dam a, naunuhmei le naupasalhai a nei nâwk a;

¹⁷chuongchun, Mahalalel dam sûng po chu kum za riet le sâwmkuo panga a nih; chun, a thi ta a.

¹⁸Chun, Jared chun kum za le sâwmruk le pahni a niin naupasal Enok a nei a;

¹⁹Enok a nei hnung chun Jared chu kum za riet a la dam a, naunuhmei le naupasalhai a nei nâwk a;

²⁰chuongchun, Jared dam sûng chu kum za kuo le sâwmruk le pahni a nih; chun, a thi ta a.

²¹Chun, Enok chun kum sâwmruk le panga a niin naupasal Methusela a nei a;

²²Methusela a nei hnung chun Enok chu kum za thum sûng Pathien leh an lêng hmunkhat hlak a, naunuhmei le naupasalhai a nei nâwk a;

²³chuongchun, Enok dam sûng po chu kum za thum le sâwmruk le panga a nih;

²⁴Chun, Enok chu Pathien leh an lêng hmunkhat hlak a: chun, a um ta naw a: Pathienin a lâk hmang tah a nih.

²⁵Methusela chun kum za le sâwmriet le pasari a niin naupasal Lamek a nei a;

²⁶Lamek a nei hnung chun Methusela chu kum za sari le sâwmriet le pahni a la dam a, naunuhmei le naupasalhai a nei nâwk a;

²⁷chuongchun, Methusela dam sûng po chu kum za kuo le sâwmruk le pakuo a nih; chun, a thi ta a.

²⁸Chun, Lamek chu kum za le sâwmriet le pahni a niin naupasal a nei a;

²⁹“Ama ngei hin LALPA ṭawngse inphur hnuoi leia ei sinthawna le kuta ei sininrimnaa hin mi thlamuon tâng a tih,” tiin a hmingah Noa[4] a sak a.

³⁰Chun, Noa a nei hnung chun Lamek chu kum za nga le sâwmkuo le panga a la dam a; naunuhmei le naupasalhai a la nei nâwk a;

³¹chun, Lamek dam sûng po chu kum za sari le sâwmsari pasari a nih; chun, a thi ta a.

³²Chun, Noa chu kum za nga mi a na; Noa chun naupasal Sem, Ham, le Japheth a nei a.