Read Hmar 1 CHANCHIN SUINA 2 Bible Online

1 CHANCHIN SUINA 2 - Hmar bible

1 CHANCHIN SUINA 2

¹Israel naupasalhai chu hienghai hi an nih; Reuben, Simeon, Levi, Juda, Issakar, Zebulun,

²Dan, Josef, Benjamin, Naphtali, Gad le Aser.

³Juda naupasalhai chu Era, Onan le Sela an nih; chuhai pathum chu Kanaan mi Bathsua le kâra pienghai chu an nih. Chun, Juda nau lutir Era chu LALPA mithmua chun a rilo êm êm a; chuongchun, a sukhlum ta a.

⁴Chun, a monu Tamar chun Perez le Zera a neipêk a, Juda naupasalhai po po chu panga an nih.

⁵Perez naupasalhai chu Hezron le Hamul an nih.

⁶Chun, Zera naupasalhai chu Zimri, Ethan, Heman, Kalkol le Dara, an rêngin panga an nih.

⁷Chun, Karmi naupasal hai chu Achar, thil sera bawse a, Israelhai laia buoina siemtu chu a nih.

⁸Ethan naupasal chu Azaria a nih.

⁹Hezron naupasalhai, amaa pienghai chu Jerahmeel, Rama le Kelubai an nih.

¹⁰Chun, Rama chun Amminadab a nei a; Amminadab chun Nason a nei a; Juda thlahai lal naupa chu;

¹¹Nason chun Salma a nei a, Salma chun Boaz a nei a;

¹²Boaz chun Obed a nei a, Obed chun Jessai a nei a.

¹³Chun, Jessai chun a nau lutîrah Eliab a nei a, a pahnina chu Abinadab a na, a pathumna chu Simea a na;

¹⁴a palina chu Nethanel a na, a pangana chu Raddai a na;

¹⁵a parukna chu Ozem a na, pasarina chu David a nih;

¹⁶chun, an farnuhai chu Zeruia le Abigail an nih. Chun, Zeruia naupasalhai chu pathum, hieng Abisai, Joab le Asahel hai hi an nih.

¹⁷Chun, Abigail chun Amasa chu a nei a, Amasa pa chu Ismael mi Jether a nih.

¹⁸Chun, Hezron naupa Kaleb chun a nuhmei Azuba (le Jerioth) leh nauhai chu a nei a; hienghai hi a naupasalhai chu an nih; Jeser, Sobab le Ardon hi.

¹⁹Chun, Azuba a thi chun Kaleb chun Ephrath chu a nei a, ama chun Hur a neipêk a.

²⁰Hur chun Uri a nei a, Uri chun Bezalel a nei a.

²¹Chun, chu hnunga chun, Hezron chun Gilead pa Makir naunu chu a pâwl a; ama chu kum sâwmruk a tling hnunga nuhmeia a nei a na; chuongchun, amanu chun nau Segub chu a hung neipêk a.

²²Segub chun Jair, Gilead rama khawpui sâwmhni le pathum neitu chu a nei a.

²³Gesur le Aram chun annia inthawkin Jair khawpuihai le Kenath chu an lâk a, a kâwl vêl khuohai, khaw sâwmruk leh. Hienghai po po hi Gilead pa Makir naupasalhai chu an nih.

²⁴Chun, Kaleb-ephratha khuoa Hezron thi hnung chun, Hezron nuhmei Abija chun Asur, Tekoa pa chu a neipêk a.

²⁵Hezron nau lutîr Jerahmeel naupasalhai chu; Rama chu nau lutîr a na; Buna le Oren le Ozem le Ahija an nih.

²⁶Jerahmeel chun nuhmei dang a nei a, a hming chu Atara a nih; ama chu Onam nu chu a nih.

²⁷Jerahmeel nau lutîr tak Rama naupasalhai chu Maaz, Jamin le Eker an nih.

²⁸Onam naupasalhai chu Sammai le Jada an na; Sammai naupasalhai chu Nadab le Abisur an nih.

²⁹Abisur nuhmei hming chu Abihail a na, ama chun Ahban le Molid a neipêk a.

³⁰Nadab naupasalhai chu Seled le Appaim an na; amiruokchu, Seled chu nau nei lovin a thi.

³¹Chun, Appaim naupasal chu Isi a nih. Isi naupasal chu Sesan a nih. Sesan naupasal chu Ahlai a na.

³²Chun, Sammai unaupa Jada naupasalhai chu Jether le Jonathan an na; Jether chu nau nei lovin a thi.

³³Jonathan naupasalhai chu Peleth le Zaza an nih. Hieng hai hi Jerahmeel naupasalhai chu an nih.

³⁴Chun, Sesan chun naupasal nei lovin naunuhmeihai chau a nei a. Chun, Sesan chun siehlaw, Aigupta mi, a hming Jara chu a nei a.

³⁵Chuongchun, Sesan chun a naunu chu a siehlaw Jara kuoma chun a nuhmei dingin a pêk a; chuongchun, ama chun Attai a neipêk a.

³⁶Attai chun Nathan a nei a, Nathan chun Zabad a nei a;

³⁷Zabad chun Ephlal chu a nei a; Ephlal chun Obed a nei a.

³⁸Obed chun Jehu a nei a, Jehu chun Azaria chu a nei a;

³⁹Azaria chun Helez chu a nei, Helez chun Eleasa a nei a;

⁴⁰Eleasa chun Sismai a nei a, Sismai chun Sallum a nei a;

⁴¹Sallum chun Jekamia a nei a, Jekamia chun Elisama a nei a;

⁴²Chun, Jerahmeel unaupa Kaleb naupasal hai chu a nau lutîr tak Mesa, Ziph-hai thlatu chu a nih; Hebron pa Maresa naupasalhai le chun.

⁴³Chun, Hebron naupasalhai chu Kora, Tappua, Rekem le Sema an nih.

⁴⁴Chun, Sema chun Jorkeam pa Raham chu a nei a; Rekem chun Sammai a nei a.

⁴⁵Sammai naupa chu Maon a na; Maon chu Bethzur pa a nih.

⁴⁶Kaleb thaikêm Epha chun Haran le Moza le Gazez a nei a; Haran chun Gazez ma a nei a.

⁴⁷Jahdai naupasalhai chu Regem, Jotham, Gesan, Pelet, Epha le Saaph an nih.

⁴⁸Chun, Kaleb thaikêm Maaka chun Seber le Tirhana chu a nei a.

⁴⁹Chun, Madmanna pa Saaph le Makbena pa Seva le Gibea pa chu a nei a; chun, Kaleb naunu chu Aksa a nih.

⁵⁰Ephratha nau lutîr Hur naupa Kaleb naupasalhai chu; Kiriath-jearim pa Sobal;

⁵¹Beth-lehemhai thlatu Salma, Beth-gaderhai thlatu Hareph leh an nih.

⁵²Chun, Sobal pa Kiriath-jearim chun naupasalhai a nei a; Haroe le Menuhoth mi zâtve hai chu.

⁵³Chun, Kiriath-jearim sûngkuohai chu Ith mihai, Put mihai, Sumath mihai, Misra mihai hi an nih; annia inthawk chun Zorath mihai, Estaol mihai hi an hung suok a nih.

⁵⁴Salma naupasalhai chu Bethlehem hai, Netophath mihai le Atroth-beth-joab le Manahath mi zâtve Zor mihai chu an nih.

⁵⁵Chun, lekhaziektu sûngkuohai Jabez-a chênghai chu Tirath mihai, Simeath mihai, Sukath mihai hi an nih. Hieng mihai hi Rekab sûngkuo thlatu Hammath-a inthawka Ken mi hung suokhai chu an nih.