Read Hmar 1 CHANCHIN SUINA 27 Bible Online

1 CHANCHIN SUINA 27 - Hmar bible

1 CHANCHIN SUINA 27

¹Chun, Israel thlahai an nizât chu kum khat sûng thla po poa, thla tina fe suok a, hung lût pâwlhai, thil iengkima lal rawngbâwl hlakhai, hotuhai le, za khat le sâng khat chunga hotuhai le an pahnam luhai po po le chun, pâwl tina chun sîng hni le sâng li an na.

²Thla hmasataka pâwl hmasataka hotu ding chun Jasobeam, Zabdiel naupa a na, a pâwl chu sîng hni le sâng li an nih.

³Perez thlaa mi a na, thla hmasataka dinga sipai pâwl hotuhai po po laia hotu tak a nih.

⁴Chun, a thla hnina pâwla chun Aho mi Dodai chu a hotu a na, a pâwl chu: Mikloth chu rorêltu a na, a pâwla chun sîng hni le sâng li an um a nih.

⁵Thla thumna dinga sipai hotu pathumna chu Benaia a na, thiempu Jehoiada naupa, hotu chu a nih; chun, a pâwl chu sîng hni le sâng li an nih.

⁶Hi Benaia hi, mi sâwmthum thilthawtheitakhai laia mi kha a nih; ama chu sâwmthumhai hotu kha a na, ama pâwl lai chun a naupa Ammizabad kha a ṭhang ve a.

⁷A thla linaa dinga sipai hotu palina chu Joab unaupa Asahel kha a na, a naupa Zebadia khan a ai a aw a nih; chun, ama pâwla khawm chun sîng hni le sâng li an um a.

⁸A thla ngana dinga sipai hotu chu Izhar mi Samhuth a nih; ama pâwla chun sîng hni le sâng li an um a.

⁹A thla rukna dinga sipai hotu parukna chu Teko mi Ikkes naupa Ira a na, a pâwla chun sîng hni le sâng li an um a.

¹⁰A thla sarina dinga sipai hotu pasarina chu Ephraim thlaa mi Pelon mi Helez chu a na, a pâwla chun sîng hni le sâng li an um a.

¹¹A thla rietna dinga sipai hotu parietna chu Zera hnama Husath mi Sibbekai kha a na; a pâwla chun sîng hni le sâng li an um a.

¹²A thla kuona dinga sipai hotu pakuona chu Benjamin thlaa mi Anathoth mi Abiezer a na, a pâwl a chun chu sîng hni le sâng li an um a.

¹³A thla sâwmna dinga sipai hotu sâwmna chu Zera thlaa mi, Netophath mi, Maharai a na, a pâwla chun sîng hni le sâng li an um a.

¹⁴A thla sâwm pakhatna dinga sipai hotu sâwm pakhatna chu Ephraim thlaa mi Pirathon mi Benaia a na, a pâwla chun sîng hni le sâng li an um a.

¹⁵A thla sâwm pahnina dinga sipai hotu sâwmpahnina chu, Othniel naupa Netophath mi Heldai[9] a na, a pâwla chun sîng hni le sâng li an um a.

¹⁶Chunawa khawm chun Israel hnamhai chunga chun, Reuben mihai laia rorêltu chu Zikri naupa Eliezer a na; Simeon mihai laia chun Maaka naupa Sephatia a na;

¹⁷Levi mihai laia chun Kemuel naupa Hasabia a na; Arnon thla lai Zadok;

¹⁸Juda mihai lai David unauhai laia pakhat Elihu chu; Issakar hnam lai Mikael naupa Omri;

¹⁹Zebulun hnamah Obadia naupa Ismaia; Naphtali hnamah Azriel naupa Jerimoth;

²⁰Ephraim hnam laia chu Azazia naupa Hosea; Manasse hnam zâtvea chun Pedaia naupa Joel;

²¹Gilead rama Manasse hnam zâtve laiah Zekaria naupa Iddo, Benjamin thla laiah Abner naupa Jaasiel;

²²Dan hnamah Jeroham naupa Azarel. Hienghai hi Israel hnam laia hotuhai chu an nih.

²³Nisienlakhawm, David chun kum sâwmhni le a hnuoi tieng chu an nizât a lâk naw a; LALPA chun Israel chu vâna arasi zâtin a sukpung ding a nih ti a lo hril ta lei khan.

²⁴Zeruia naupa Joab chun tiem chu a tiem ngei a, nisienlakhawm, a zo naw a; hi hi lei hin Israel chunga chun lunginsenna a tlung nghe nghe a; chun, lal David chanchin ziekna lekhabua chun chu nizât chu sielût a ni bawk nawh.

²⁵Chun, lal sum siekhâwmna in chunga chun Adiel naupa Azmaveth chu hotu a na; hmun danga le, khawpuiahai le, khawperhaia sum siekhâwmna le, kulbîngahai Uzzia naupa Jonathan chu hotu a na;

²⁶chun, thil chîngna dinga lo inletnaa sin thawtuhai chunga chun Kelub naupa Ezri chu hotu a na;

²⁷grêp huon chungahai chun Ramath mi Simei chu a nih; uoin siekhâwmna khur dinga grêp huon zau pei thua chun Shipham mi Zabdi chu a hotu a nih;

²⁸chun, ram phaitienga theichang kûnghai le oliv thinghai chunga chun Geder mi Baal-hanan chu a na; hriek siena khurhai chunga chun Joas a na;

²⁹chun, Sarona bâwng ruol tlahai chunga chun Saron mi Sitrai a nih; chun, phairuoma bâwng ruol tlahai chunga chun Adlai naupa Saphat chu hotu a nih;

³⁰sanghâwngsei chunga chun Ismael mi Obil chu hotu a nih; sabengtunghai chunga chun Meronoth mi Jedeia hotu a na;

³¹berâm ruol chunga chun Hagar mi Jaziz chu hotu a nih; Hienghai po po hi lal David thuomhnaw chunga rorêltuhai chu an nih.

³²David pami Jonathan chu rorêltu a na, ama chu mi hrietna nei, lekhaziektu a nih; chun, Hakmoni naupa, Jehiel chu lal naupasalhai inchûktirtu a na;

³³Ahitophel chu lal remruotpuitu a na, Ark mi Husai chu lal ruolpa a nih;

³⁴Ahitophel zoa chun, Benaia naupa Jehoiada a na, Abiathar leh; chun, lal sipaihai hotu chu Joab a nih.